Om prosjektet

Beste norske 2018-2020 er eit prosjekt i regi av Lom folkebibliotek. Vi har engasjert fire av våre fremste litteraturkritikarar til å kåre dei 15 beste norske skjønnlitterære utgjevingane frå 2018 til 2020. Bernhard Ellefsen, Anne Merethe K. Prinos, Margunn Vikingstad og Janneken Øverland står for utvalet. 

Prosjektet

67 bibliotek rundt om i landet deltek i prosjektet. Biblioteka formidlar bøkene gjennom utstillingar, lesekampanjer og arrangement. Kvar veke frå 6. september til 13. desember blir ei av bøkene presentert med omtaler av kritikarane.

«Beste norske 2018-2020» er ei vidareføring av klassikar-prosjektet som Lom folkebibliotek gjennomførte i 2019. I dette prosjektet kåra litteraturkritikarane dei 25 bøkene frå 2013-2017 med størst klassikarpotensial.

Vi håpar at folk rundt om i heile landet blir med på «Beste norske 2018-2020». Det hadde vore stor stas om vi får til landets største lesesirkel på facebooksida der folk kastar seg frampå og diskuterer bøkene og utvalet. 
Velkomne med til å lesa den beste, nye norske litteraturen.

Kritikarane

Fire av dei fremste litteraturkritikarane i landet står for kåringa av Beste norske 2018 - 2020:

  • Bernhard Ellefsen er litteraturkritikar i Morgenbladet og vart av Norsk Kritikerlag kåra til "Årets litteraturkritiker" i 2014. 
     
  • Anne Merethe K. Prinos har skrive litteraturkritikk som frilansar i Aftenposten sidan hausten 2002. Ho vart kåra til "Årets litteraturkritiker" i 2008.
     
  • Margunn Vikingstad har vore litteraturkritikar i Morgenbladet sidan 2013. Frå 2001 til 2013 var ho litteraturkritikar i Dag og Tid. Elles jobbar Margunn som skjønnlitterær omsetjar, hovudsakleg frå fransk. 
     
  • Janneken Øverland er litteraturhistorikar, tidligare forleggar og  arbeider frilans som litteraturkritikar i Bokmagasinet i Klassekampen. Ho har vore redaktør av tidsskriftet Vinduet og har skrive biografi om Cora Sandel.
Bernhard Ellefsen, Anne Merethe K. Prinos, Margunn Vikingstad og Janneken Øverland - Klikk for stort bilde

Forfattarane, biblioteka og Beste norske 2018-2020

Sist endret 19.11.2025 19.10