Lån og leige av utstyr

Det treng ikkje vere dyrt å kome seg ut på tur eller prøve nye aktivitetar. I området finst det fleire stader der du kan låne eller leige utstyr innan tur, idrett og friluftsliv. Her er ei kort oversikt.

BUA

Tilbyr gratis utlån av utstyr til alt frå sport til friluftsliv, slik at alle får moglegheit til å delta uansett økonomiske føresetnader.

Vi har ikkje eit BUA-tilbod i Lom, men ein kan nytte seg av BUA-tilbodet i Skjåk. For å låne må ein opprette seg ein låneprofil. 

  • Sjå meir informasjon på bua.no

Aktiv i Lom

Aktiv i Lom leiger ut forskjellig turutstyr innan bre og snø, camp og overnatting og lavvoar. Dette passar godt for både korte og lengre turar. Du kan og låne utstyr for Disk-golf. 

Fyrst og fremst

Hos Fyrst og fremst kan du leige topptur-utstyr og breutstyr. Dette er eit praktisk tilbod for deg som treng utstyr til ein enkelt tur eller aktivitet.

Lom Fjellstyre

Lom Fjellstyre har båt og/eller garn til utleige på ulike vatn i allmenningen. 

Sist endret 18.11.2025 11.31