Velkomen til Lom – nasjonalparklandsbyen midt mellom tre nasjonalparkar

Lom er ikkje berre ei fjellbygd; vi er også ein naturleg inngangsport til tre spektakulære nasjonalparkar: Jotunheimen, Reinheimen og Breheimen.

Men kva er det eigentleg som gjer Lom til ein nasjonalparklandsby? Svaret ligg i kombinasjonen av natur, tilrettelegging, og lokalsamfunnets engasjement.

Opplev fjella frå startpunktet i Lom

Frå Lom sentrum kan du ta både korte og lange turar i variert terreng, frå milde stiar til bratte fjelltoppar. Vi tilbyr fotturkart som hjelper deg å finne turar som passar for deg og reisefylget ditt, og desse kartane får du gratis på ulike stadar i sentrum, til dømes ved Vassvaglen. Sjå meir informasjon om turar her.
Lom sentrum fungerer altså som ein praktisk startplass for opplevingar i fjellheimen – ein kjernefunksjon for ein nasjonalparklandsby.

Informasjon og kunnskap om nasjonalparkane

Lom gir deg moglegheita til å lære om nasjonalparkane før du legg ut på tur. Norsk fjellsenter, besøkssenteret for Jotunheimen, Reinheimen og Breheimen, er ei oppleving for både små og store. Her kan du utforske landskap, oppleve verrom og sjå skatter frå isbreane. Senteret er eit eksempel på korleis Lom gjer informasjon om nasjonalparkane lett tilgjengeleg – ein viktig del av nasjonalparklandsbyens rolle.

Guidar og aktivitetar

For dei som ynskjer meir enn å gå på eigahand, tilbyr Lom lokalkjende guidar som tek deg med på fotturar, klatring, bre- og randoturar, fjellskiturar og andre aktivitetar. Guidane bidreg til trygg og lærerik friluftsoppleving, og gjer det enkelt å oppleve nasjonalparkane på best mogleg måte.

Service og trivsel

Som nasjonalparklandsby tilbyr Lom eit breitt spekter av grunnleggande servicefunksjonar. Her finn du alt frå kafear og restaurantar med lokal gastronomi til hotell, turisthytter og campingplassar – alt for at besøket skal bli så behageleg og enkelt som mogleg. Sidan 1800-talet har Lom teke imot ferdafolk, og tradisjonen for gjestfridom lever vidare i dag.

Miljøprofil og berekraft

Ein nasjonalparklandsby skal også spegle ei gjennomtenkt miljøprofil, og i Lom kjem dette til uttrykk i utviklinga av sentrum, tilrettelegging for turistar og bevaring av natur. Vi ønskjer å balansere opplevingar og aktivitet med omsyn til naturen og verneverdiane i nasjonalparkane.

Difor er Lom ein nasjonalparklandsby

Kort sagt: Lom kombinerer tilgjenge til storslått natur, god informasjon, tilrettelagte turmoglegheiter, lokale guidar, grunnleggande service og ein tydeleg miljøprofil. Det er dette som gjer Lom til meir enn berre eit utgangspunkt for fjellturar – det gjer oss til ein ekte nasjonalparklandsby.