Utvida bandtvang

I delar av året stillast det ekstra krav til hundehald i Lom kommune. Reglane skal sikre tryggleik for beitedyr i utmark, og det er viktig å kjenne til kva som gjeld – og kven som er unntekne. 

I Lom kommune er det utvida bandtvang frå 1. april til 1. oktober. I denne perioden skal hundar haldast i band, eller vere forsvarleg innestengde eller inngjerda. Reglane gjeld i område der husdyr har rett til å beite – og der det faktisk går beitedyr.

Dette blei vedteke av kommunestyret 22. mars 2007, og er heimla i hundelova § 6.

Kven gjeld reglane ikkje for?

Føresegna gjeld ikkje i desse tilfella:

  • Gjetarhundar i arbeid
  • Tenestehundar i arbeid eller under lovleg trening/prøving
  • Hundar i bruk ved ettersøk av skadd eller sjukt vilt
  • Jakthundar under lovleg jakt, trening eller prøving – når dei er under kontroll av eigar/innehavar
  • Hundar nytta til lovleg uttak av rovvilt
  • Organisert trening av brukshundar

Ved brot på reglane

Å bryte reglane om bandtvang kan vere straffbart, jf. hundelova § 28.