Lom kommune har to torgplassar i sentrum, mellom Coop Extra og Fossberg Hotell. Desse kan nyttast til sal og aktivitetar etter retningslinene nedanfor.
Søknad og plassering
- Det er ikkje behov for å søkje om løyve for å bruke torgplass 1 og 2 (sjå kart nedanfor) – her gjeld «førstemann til mølla»-prinsippet.
- Torgplass 1: Tillate med salsbodar, bord, små telt og bilar under 6 meter.
- Torgplass 2: Tillate med mindre bord/stand. Bil er ikkje lov, og bord/stand må plasserast slik at dei ikkje er til hinder for trafikk eller oppsette benker.
Retningsliner for bruk
- Bruken er gratis, men du må halde deg til gjeldande reglar.
- Straumuttak kan ikkje nyttast.
- Bilar over 6 meter er ikkje tillate. (Lom kommune har ingen torgplass som passar for dette. Kontakt eventuelt private grunneigarar i sentrum.)
- Torgplassane er tiltenkt kortvarig bruk, maks 3–4 dagar.
- Torghandel skal følgje lov om heilagdagar og heilagdagsfred. Fossbergom har status som typisk turiststad frå 1. april til 15. oktober (eller frå påske dersom den kjem før 1. april). I denne perioden er sundagsope tillate.
Kva er lov på torgplassane?
- Sal av mat, drikke og tradisjonelt handverk – gjerne med lokal tilknyting.
- Aktivitetar frå ikkje-kommersielle aktørar, til dømes politiske parti, elevbedrifter og kulturinnslag.
Ordensreglar
- Området rundt boden/standen skal haldast ryddig og reint.
- Brot på retningslinene kan føre til bortvising, og i alvorlege tilfelle utestenging frå framtidig bruk (vedtak gjerast av kommunedirektøren).
- Skilting må følgje reglementet for skilting i Lom kommune.
- Lom kommune kan vise bort aktørar som bryt retningslinene.
Torgkart