Økonomisk støtte til bustad

Dette er ei ordning der det kan givast tilskot for å tilpasse eller utbetre bustader slik at dei passar betre for bustadsøkjar sine behov. Tilskotet kan brukast både ved spesialtilpassing av ny bustad, og ved utbetring eller tilpassing av ein bustad som allereie er i bruk.

Målgruppa for ordninga er personar som har særlege utfordringar med å skaffe eller bu i ein eigna bustad. Dette kan vere:

• Personar med funksjonsnedsetjingar
• Personar med rusutfordringar
• Flyktningar
• Andre som er spesielt vanskelegstilte på bustadmarknaden

Tilskotet skal bidra til at fleire kan bu trygt og godt i eigen bustad, og til at bustadar kan tilpassast for betre tilgjenge og funksjonalitet.

Dette tilskotet kan givast til personar som står i fare for å falle utanfor bustadmarknaden, og som har behov for økonomisk støtte for å kunne kjøpe, utbetre eller bygge eigen bustad.

Målgruppa er:

• Personar med funksjonsnedsetjingar
• Særleg vanskelegstilte personar på bustadmarknaden
• Unge i etableringsfasen som har låg inntekt og vanskelege bustadtilhøve

Formålet med ordninga er å hjelpe dei som har trong for ein stabil og eigna bustad, men som på grunn av økonomi eller livssituasjon ikkje klarer dette på eiga hand.

Begge tilskotsordningane er behovsprøvde, og det blir lagt vekt på husstanden sin samla økonomiske situasjon, bustadbehov og livssituasjon i vurderinga av søknaden. Det er utarbeidd nasjonale retningslinjer for ordningane, fastsett av Husbanken.

Nærare informasjon, retningslinjer og søknadsskjema finn du på Husbanken si nettside: www.husbanken.no

Du kan òg ta kontakt med Lom kommune for rettleiing eller hjelp til å søkje.

Meir informasjon om ordninga finn du på husbanken.no 

Har du høge buutgifter, men låg inntekt? Da kan du ha rett til bustøtte!

Lom kommune, økonomikontoret, Sognefjellsvegen 6, 2686 Lom.  

På Husbanken sine nettsider kan du sjå kven som kan få bustøtte, kva slag krav som gjeld for bustaden og kva for inntektsgrenser som gjeld. Du kan og prøve bustøttekalkulatoren.

Lenke til husbanken sine nettsider

Søknadsfristen for bustøtte er den 25. kvar månad. Utbetaling skjer ca. den 20. i påfølgjande månad. Dersom du får godkjent bustøtte, blir søknaden din overført til neste månad. Får du avslag fordi du har høg inntekt ein månad, blir søknaden din automatisk overført til neste månad.

Slik søker du bustøtte

Du har plikt til å melde frå dersom det er endringar i nokon av opplysningane du har gitt i søknaden. Sjekk alltid at det er brukt riktige opplysningar i vedtaket du får. 

Har du endringar, melder du desse inn ved å logge deg inn i Min bostøtte på husbanken si heimeside.

Dersom du meiner noko er feil i vedtaket, kan du klage innan 3 veker etter du fekk vedtaket.

Her kan du klaga

• Lov om bustøtte
• Forskrift om bustøtte

Du finn meir informasjon om bustøtte på husbanken.no. Du kan og ta kontakt med kommunen for å få hjelp og rettleiing. 

Hovudformålet med startlån er å medvirke til at personer med langvarige bustadfinansieringsproblem skal få høve til å etablere seg og bli buande i nøkterne og gode bustader.

Kommunen kan gje startlån til personar som ikkje får lån eller stort nok lån i ordinære kredittinstitusjonar.

Startlån er behovsprøvd og det skal leggjast vekt på om søkjar:

•  Er forventa å ha langvarige problem med å finansiere eigd bustad 
•  Har benytta moglegheita til sparing innanfor dei økonomiske moglegheitane søkjar si inntekt og nødvendige utgifter til livsopphald gjev.

Kommunen kan gje startlån i følgjande situasjonar for søkjar:

• husstanden har barn eller særlege sosiale eller helsemessige utfordringar og hensynet til å sikre ein trygg, god og stabil busituasjon innan stutt tid taler for det
•  husstanden har problem med å dekkja buutgiftene, og refinansiering med startlån kan bidra til at husstanden kan verta buande i eigd bustad
• busituasjonen hindrar moglegheitane til å oppretthalde eit arbeidsforhald, eller hindrar utvikling av det lokale næringslivet eller
• lånet bidreg til betre utnytting av kommunalt disponerte bustader.

Kan og omfatte: lågtlønna, einslege forsørgjarar, flykningar og utviklingshemma.

Det er ein føresetnad at bustaden ikkje er vesentleg større enn eit nøkternt behov for den aktuelle husstanden og at den er rimeleg og nøktern i høve til prisnivået i området. Bustaden skal vera heilårsbustad og søkjaren sin husstand må sjølve bu i bustaden. 

Startlån kan ikkje gjevast til finansiering av utleigebustad. Startlån kan heller ikkje gjevast til landbrukseigedom med konsesjonsplikt (søkjarar skal da visast til SND/Innovasjon Norge).

Startlån kan nyttast til: 

• kjøp av bustad, anten som topp- eller fullfinansiering
• utbedring i høve til husstanden sitt areal- eller tilpasningsbehov
• refinansiering av dyre lån dersom det resulterer i at husstanden får ein reell moglegheit til å bli buande i bustaden. Refinansieringa gjeld berre lån som er gjeve til bustaden. Det skal berre vera mogleg å få refinansiering ein gong. Sikkerheit for lånet skal liggje innafor bustaden sin marknadsverdi.

Kommunen kan gje ei skriftleg stadfesting på at lånesøkjar vil få startlån dersom søkjaren finn ein høveleg bustad etter husstanden sitt behov og betalingsevne. Førehandsgodkjenning er gyldig i 6 mnd med moglegheit for forlenging i spesielle tilfelle.

• kjøp og/eller utbetring av landbrukseigedomar
• finansiering av utleigebustad
• refinansiering av anna lån enn bustadlån

Du kan heller ikkje få startlån dersom:

• du har gjeld til kommunen på grunn av tidlegare misleghald av bustadlån og /eller bustadtilskot eller økonomiske misleghald av leigetilhøve i kommunale bustader. I vurderinga vil det også leggjast vekt på betalingsmisleghald overfor andre kreditorar.
• du ha søkt om gjeldsordning eller har inngått gjeldsordningsavtale jfr. Gjeldsordningsloven av 17.07.92.
• du tidlegare har fått innvilga startlån til same husstand
• du tidlegare har fått kjøpslån, oppføringslån, etableringslån eller bustadtilskot.

Søknadsskjema

Gå til elektronisk søknadsskjema på Husbanken si nettside.

Tips

• Under min side på Intrum.no finn du oversikt over låna.
• Opprett avtalegiro inne på "min side" slik at du slepp å betale manuelt kvar månad!

Meir informasjon om startlån og tilskot finn du på husbanken.no. 

• Du må vere førstegangsetablerar (ikkje tidlegare eigd eigen bustad)
• Søkjar må ha minst 5 % eigenkapital av marknadsverdien på bustaden 
• Du må ikkje ha fått boliglån frå privat bank før 

• Maks 30 års nedbetalingstid, med avdrag frå starten 
• Etter 10 år må restgjelda refinansierast – anten i privat bank eller via ordinært startlån 
• Lånet skal vere behovsprøva, og du må ha evne til å betjene både lån og vanlege livsopphald

Meir informasjon om denne ordninga finn du på husbanken.no, eller ved å ta kontakt med Lom kommune (61217300)