Omsorgsstønad (omsorgsløn)

Når vi vurderer søknader om omsorgsstønad, ser vi på fleire ting:

• Om omsorgsarbeidet er særleg krevjande og omfattande.
• Om arbeidet går utover det ein vanlegvis kan forvente av omsorgsytarar som har omsorgsplikt.
• Om det er oppgåver som er nødvendige for at den som treng hjelp skal ha det trygt og godt.
• Om det er til det beste for den som treng hjelp, at nettopp du står for omsorga.
• Kommunen sine økonomiske ressursar vil òg bli vurderte.

Omsorgsstønad blir gjeve etter sats for heimehjelp. Ordninga er ikkje meint å gje full stønad for alle timane ein brukar på omsorgsarbeid, men skal vere ei støtte og ei anerkjenning for innsatsen. Det er viktig å vere klar over at omsorgsstønad kan påverke andre trygdeytingar, på same måte som anna arbeidsinntekt. Døme på dette er alderstrygd, uføretrygd, arbeidsløysetrygd og overgangsstønad. Det er desse ytingane som eventuelt blir reduserte, ikkje omsorgsstønaden.

Den som utfører omsorgsarbeid kan også få opp til 3 pensjonspoeng (omsorgspoeng) i folketrygda, etter reglane i Folketrygdlova § 3-16. Omsorgsstønaden blir rekna som inntekt og skattlagt på vanleg måte.

Vi tilrår at det blir inngått ein skriftleg avtale (oppdragstakarforhold) mellom kommunen og den som får omsorgsløn.

Ordninga er for omsorgsytarar — som oftast nære pårørande — som har eit særleg krevjande og omfattande omsorgsansvar.

For å søkje om omsorgsstønad må du sende inn ein skriftleg søknad til Lom og Skjåk tildelingskontor:

Søk helse- og meistringstenester

Saksbehandling

Omsorgsstønad tildelast etter heimel i Lov om kommunale helse- og omsorgstjenester § 3-2, 1. ledd nr. 6, bokstav a, jfr § 3-6.

Moment som blir teke med ved vurdering av søknaden: 

• om omsorgsarbeidet er særleg tyngande
• om omsorgsarbeidet overstig det som er rimeleg å forvente for omsorgsytarar med omsorgsplikt
• om omsorgsarbeidet gjeld naudsynte omsorgsoppgåver
• om omsorg frå søkjaren er det beste for den som treng hjelp
• kommunen sine ressursar

Rett til å klage

Vedtak om tildeling og bortfall av plass kan påklagast. 

Les om Klagerett