Søk om redusert foreldrebetaling

Familiar med låg inntekt kan ha rett på redusert foreldrebetaling i barnehage og SFO.

Reduksjon i foreldrebetaling

For barnehage gjeld ei nasjonal ordning som seier at ingen hushaldningar skal betale meir enn 6 % av den samla inntekta si per barn i året for ein barnehageplass.

Det same gjeld for SFO, der det også er mogleg å søkje om redusert betaling ut frå hushaldninga si inntekt.

Dette gjeld både for:

• Kommunale og private barnehagar
• SFO for elevar på 1.–4. trinn (og 5.–7. trinn for barn med særskilte behov)

Gratis kjernetid

Alle 2–5-åringar (og barn med utsett skulestart) i hushaldningar med låg inntekt, har rett på 20 timar gratis barnehagetid i veka. Ordninga gjeld både heiltids- og deltidsplassar. Inntektsgrensa blir fastsett i statsbudsjettet, og sjølvmelding må leggast ved søknaden.

For å søkje treng vi opplysningar om hushaldninga si samla inntekt. Vi hentar normalt inntekt frå Skatteetaten, men du kan òg bli bedt om å sende inn siste skattemelding, lønsslipp eller anna dokumentasjon.

Hugs:

• Du må søkje for kvart barnehage- og skuleår
• Du kan søkje gjennom året dersom inntekta di endrar seg vesentleg

Du søkjer om redusert foreldrebetaling via føresettportalen. 

Gå til føresettportal