Tilrettelagt transport (TT-kort)

TT-ordninga er eit tilbod for deg som, på grunn av fysisk eller psykisk funksjonsnedsetting, har store vanskar med å bruke vanlege kollektivtilbod. Ordninga skal gjere det lettare å delta på sosiale og kulturelle aktivitetar, og bidra til at du får leve eit aktivt og sjølvstendig liv — på lik linje med andre i bygda vår.

For å få innvilga TT-kort må du ha:

• Ei varig forflytningshemming som har vart, eller er venta å vare, i minst to år
• Eit behov for spesialtransport grunna at det ordinære kollektivtilbodet ikkje kan nyttast
• Ordninga er open for personar i alle aldrar. 
• Unge og samfunnsaktive forflytningshemma blir prioritert, då målet er å leggje til rette for eit rikt og aktivt liv for alle i Lom.

Det skal vere ein klar samanheng mellom funksjonsnedsettinga og manglande evne til å bruke vanleg transport.

TT-kortet kan nyttast til lokale fritidsreiser som:

• Kultur- og idrettsarrangement
• Sosiale samankomstar
• Handleturar og aktivitetar i nærmiljøet

Det kan ikkje brukast til:

• Reiser til lege, sjukehus eller fysioterapi
• Annen sjuketransport som blir dekka av folketrygda

Du kan dessverre ikkje få TT-kort dersom:

• Du har tilgang til eigen bil, eller har fått støtte til bil via folketrygda
• Du har ei tidsavgrensa forflyttingshemming, eller ei funksjonsnedsetting som berre gjeld delar av året
• Du opplever redusert mobilitet som ein naturleg del av alderdom, utan at det er knytt til ei varig funksjonsnedsetting
• Manglande kollektivtilbod på heimstaden åleine er ikkje grunnlag for godkjenning

TT-ordninga er ei individuell ordning, og brukarrett kan ikkje tildelast ein institusjon. Bebuarar på institusjon kan godkjennast på individuelt grunnlag viss dei elles fyller vilkåra for godkjenning.

Heimlar blir vanlegvis tildelt for to år om gongen.

Gå til Søk helse- og meistringstenester