I tråd med kommuneplanen er det ikkje tillate å bygge nye fritidshus eller utvide eksisterande utan at det ligg føre reguleringsplan eller områdeplan som opnar for dette.
Eit unntak er området Galdesand–Raubergstulen, som kommunen har peikt ut som eit satsingsområde for reiseliv og næringsutvikling. Her er det gjennom kommunedelplan og reguleringsplanar opna for oppføring av fritidsbustader.
Regulerte hytteområde i Galdesand–Raubergstulen
I dette satsingsområdet er det regulert tre private hyttefelt. Desse tomtene har krav om tilknyting til offentleg avløp.
Tjønnbakken hytteområde
Saltsletta hytteområde
Galdhøpiggen høgfjellshytter
Området ligg i naturskjøne omgjevnader med gode solforhold og kort veg til både fjellopplevingar, skiløyper og turstiar. Dette er eit attraktivt område både for fritidsbustader og framtidsretta reiselivsutvikling.
Blåfuruhaugen hytteområde – Liasætrin
Nedafor Liasætrin, litt lenger sør i kommunen, finn du Blåfuruhaugen hytteområde. Dette feltet er regulert for hytter med enklare standard, og består av 10 tomter.
Her kan du byggje deg ei rimeleg og roleg fjellhytte – tett på naturen, langt frå mas og trafikk.