Stønad til skredfarevurdering

Skal du bygge vidare på ein eigedom som allereie er bebygd, og treng ei skredfarevurdering? Då kan du ha rett på økonomisk støtte frå næringsfondet i Lom kommune.

Ordninga gjeld for private tiltakshavarar, og skal gjere det litt enklare å gjennomføre naudsynt kartlegging før bygging.

Kva kan du få støtte til?

Dersom du treng ei fagleg vurdering frå geolog i samband med bygging på ein etablert eigedom, kan du søkje om tilskot til delar av kostnaden.

  • Tilskotet kan vere på inntil kr 10 000 per søkjar
  • Det kan maksimalt dekke 25 % av den dokumenterte kostnaden
  • Støtta gjeld berre for eksisterande bebygde eigedomar (t.d. bustadhus, driftsbygningar, setre)
  • Det er berre eksterne utgifter som blir dekt – ikkje eigeninnsats
  • Tiltak i område som er registrerte som fareområde får ikkje støtte til kartlegging i samband med nybygg

Du står fritt til å velje fagperson eller firma, men det må vere geolog med tilstrekkeleg kompetanse.

Dette må vere med i søknaden:

Søknaden må innehalde følgjande informasjon:

  • Gards- og bruksnummer
  • Kva slags bygning det gjeld (t.d. bustadhus, driftsbygning, seter)
  • Kontonummer for utbetaling
  • Dokumentasjon på utført skredfarekartlegging
  • Namn på geolog/selskap som har utført arbeidet
  • Opplysningar om rekninga er betalt som privatperson eller gjennom verksemd med mva-frådrag

Tilskotet blir utbetalt etter at vurderinga er gjennomført og rekninga er levert.

Slik søker du:

Send ein enkel søknad til post@lom.kommune.no

Merk søknaden: Søknad om tilskot til skredfarevurdering

Du kan også levere søknaden i servicetorget på Midtgard eller sende ho til:

Lom kommune
Sognefjellsvegen 6
2686 Lom

NVE har laga oversikt over skredfara i Lom, Skjåk og Vågå. Sjå den her