Kven er demenskoordinator?

Det er spesialsjukepleiar Asta Runhild Turtum som har denne rolla. Ho samarbeider tett med:

• Heimesjukepleia
• Ergoterapeut
• Fastlegane
• Andre relevante fagpersonar og tenester i kommunen
• Spesialisthelsetenesta

Demenskoordinator er organisatorisk plassert under heimesjukepleia.

Kva gjer demenskoordinatoren?

Demenskoordinator har ansvar for å:

• Koordinere utgreiing og kartlegging av personar med symptom på demens
• Følge opp personar med demensdiagnose, i samarbeid med aktuelle faggrupper
• Vurdere og følgje opp heimesituasjonen til brukarar med demens
• Gi rettleiing, støtte og informasjon til pårørande
• Sikre at brukarar blir vist vidare til lege for tidleg diagnose
• Sørgje for at brukarane får tilbod om relevant velferdsteknologi så tidleg som mogleg

Kartlegging og utgreiing skjer med standardiserte kartleggingsverkty frå Nasjonalt kompetansesenter for aldring og helse, og det er utarbeidd eigen prosedyre for demensutgreiing i Lom kommune.

Slik tek du kontakt

• Demenskoordinator er tilgjengeleg kvar måndag.
• Legar kan sende elektronisk melding.
• Pårørande, heimesjukepleia eller andre som har mistanke om demens hos ein brukar, kan ta direkte kontakt.

Vi oppmodar alle som er uroa for eigen eller andre si helse til å ta kontakt – tidleg hjelp er viktig for å sikre eit godt og trygt tilbod.