Vassforsyning

Dersom du ønskjer tilknyting til kommunale vassverk, må du søkje om abonnement.
Søknaden skal sendast inn gjennom eit godkjent røyrleggjarføretak med ansvarsrett.

For meir informasjon kan du kontakte kommunen:

• Telefon: 61 21 73 00
• E-post: postmottak@lom.kommune.no

Normal saksbehandlingstid er innan to veker frå kommunen har motteke søknaden.

Som huseigar har du ansvar for at ditt private vass- og avlaupsanlegg er i god stand og følgjer gjeldande forskrifter. Dette gjeld både stikkleidninga og anna utstyr utanfor huset.

Kva betyr det?
Stikkleidninga er røyrleidninga som går frå huset ditt og fram til den kommunale hovudleidninga i vegen. Denne leidninga eig du sjølv, og du har ansvar for drift og vedlikehald.

Dersom det oppstår lekkasje eller feil på anlegget, er du som grunneigar plikta til å utbetre dette. Ansvaret ditt gjeld heilt fram til den kommunale leidninga. Tilkoplingspunktet er også ditt ansvar.

Leidninga skal vere lagt i frostfrie massar, og anlegget ditt må vere i tråd med Standard abonnementsvilkår for vatn og avlaup.
Ved utskifting av det kommunale leidningsnettet kan kommunen krevje at du oppgraderer eller skiftar ut di private leidning dersom ho ikkje tilfredsstiller gjeldande krav.

Kommunen har ansvar for drift og vedlikehald av det kommunale vass- og avløpsnettet, medan eigar av eigedomen har ansvar for private leidningar.

Om du opplever problem med vassforsyninga eller avlaupet, er det viktig å finne ut kvar feilen ligg:

På privat eigedom:
Dersom feilen er på din eigen grunn (t.d. leidningar mellom huset og tilkoplingspunktet), må du kontakte ein røyrleggjar.

På det kommunale leidningsnettet:
Dersom du trur feilen ligg på det kommunale nettet, skal du ta kontakt med teknisk vakt i kommunen.

• Drikkevannsforskriften
• Forskrift om vass- og avlaupsgebyr i Lom kommune
• Standard abonnementsvilkår for vatn og avlaup