Kommunal bustad

Målgruppa for dei kommunale bustadane er personar som er vanskelegstilte på bustadmarknaden, og som av ulike grunnar treng hjelp til å skaffe eller behalde ein eigna bustad.

Ein kan vere vanskelegstilt på bustadmarknaden til dømes på grunn av:

• økonomiske utfordringar
• nedsett funksjonsevne
• helse- eller sosiale utfordringar

Dersom det er ledige kommunale bustadar, og ingen søknadar frå personar som er vanskelegstilte på bustadmarknaden, kan andre personar få innvilga søknad. Kommunen vil gjere ei skjønnsmessig vurdering av kven som skal få innvilga søknad. Kommunalt tilsette og folk som ynskjer å busette seg i Lom kommune på lang sikt vil bli prioritert høgast i denne kategorien. 

Les retningslinjene for tildeling av kommunal bustad i Lom kommune før du søkjer, for å lese meir om kven som kan få tilbod og kva kriterium som gjeld. 

Retningslinjer kommunal bustad

Leigeprisane for dei kommunale bustadane fylgjer gjeldande gebyrregulativ. Denne vert politisk vedteke kvart år.

Prisane vert indeksregulert kvart år.

Gå til gebyrliste

Lom kommune nyttar Husbanken sitt system for kommunale bustadar (KOBO). 

Ved søknad på kommunal bustad via KOBO kan kommunen innhente opplysningar direkte frå Folkeregisteret og Skatteetaten, som legg grunnlaget når søknadar på kommunal bustad skal vurderast.

Søknadar skal så langt det går sendast via KOBO. Om du av ulike grunnar ikkje får søkt via KOBO kan ein skriftleg søknad med vedlagt dokumentasjon leverast til Lom kommune i servicetorget eller på e-post til post@lom.kommune.no.

Saksbehandlar kan kontakte søkjar for ytterlegare informasjon.

Kommunale utleigebustadar er eit behovsprøvd verkemiddel for å hjelpe vanskelegstilte på bustadmarknaden til å få leige ein eigna bustad. Bustaden er eit midlertidig tilbod. Utleigebustadane kan også bli leigde ut i høve rekruttering av kommunalt tilsette eller til innbyggjarar som ikkje er vanskelegstilte på bustadmarknaden, men vanskelegstilte på bustadmarknaden har fortrinnsrett.