Lærlingkollektivet

Lærlingkollektivet er eit pilotprosjekt som tilbyr bustad til unge vaksne under 30 år i eit tidsavgrensa utdannings- eller arbeidsforhold i Lom (til dømes lærlingar og trainees).

Kollektivet ligg i ein nybygd kommunal bustad på 76 m² på Gjeisarjordet, sentralt i Lom, med plass til tre leigetakarar. Bustaden har moderne kvalitetar, møblerte fellesareal og god utsikt over Fossbergom. 

Bustaden har: 

• Møblert stue med sofa, bord, TV og vedomn
• Møblert kjøken med spisebord, stolar, integrerte kvitevarer og nødvendig kjøkenutstyr
• Felles bad med vaskemaskin
• Tre soverom, alle utstyrt med klesskap. Leigetakar må sjølv ordne eigen seng og eventuelt andre møblar på eige soverom.
• Balkong med god utsikt og solgang
• Parkering tilknytt bustaden
• Gangavstand til Fossbergom/Lom sentrum

Tilbodet er retta mot unge vaksne opp til 30 år, som har:

• lærlingplass eller er i eit tidsavgrensa arbeidsforhold i Lom* (1-3 år)
• behov for bustad i kommunen i ein avgrensa periode 

Leigetakarar må vere sjølvhjelpen, kunne bu i kollektiv utan tilsyn og vere villig til å følgje husordensreglar og bidra til eit godt bumiljø. 

Dersom det kjem fleire kvalifiserte søknadar enn plassar, blir det prioritert ut frå mellom anna ønskja leigeperiode og tidspunkt for innflytting. Sjå meir om dette i Retningslinjer for tildeling (PDF, 105 kB).

*Tilbodet er fortrinnsvis for dei med lærlingplass eller arbeidsplass i Lom, men vi opnar også for dei som jobbar i nærliggande kommuner.

Søknad til Lærlingkollektivet blir sendt digitalt via KOBO. Innlogging skjer med BankID. 

NB: Søknadsskjema er likt for alle som søker kommunal bustad, så svar etter beste evne og ut frå det som er aktuelt for din situasjon.

I søknaden skal du leggje ved:

• lærlingkontrakt eller arbeidskontrakt
• ønskt leigeperiode
• nokre ord om deg sjølv og ei kort vurdering av korleis du trur du vil fungere i bufellesskap
• eventuelle referansar frå tidlegare leigeforhold eller kollektiv
• om du ynskjer å leige eit stort eller lite soverom (meir informasjon i nedtrekksmenyen “Kostnad” under)

Vi har framleis ledig eitt rom i kollektivet. Her gjeld løpande opptak, så ta beskjed om du ynskjer å søke.

Det er tre soverom i kollektivet, der eitt av romma er litt større enn dei to andre. Leigeprisen er:

• Stort soverom (10 m2) med tilgang til møblerte fellesareal: 5500 kr/mnd
• Mindre soverom (7 m2) med tilgang til møblerte fellesareal: 5000 kr/mnd

Prisen inkluderer:

• straum
• internett
• kommunale avgifter
• møblerte fellesareal og klesskap på alle soverom
   

Leigetakar må sjølv ha med seng og eventuelle ekstra møblar til eige soverom.