Helsestasjon for ungdom (HFU)Helsestasjon for ungdom er eit gratis tilbod for deg mellom 13 og 20 år. Her kan du snakke med helsesjukepleiar, lege eller jordmor om det som er viktig for deg — alt frå helse og kropp til tankar, kjensler og forhold. Treng du nokon å snakke med?Vi som jobbar på helsestasjon for ungdom er vande med å prate om det meste, også det som er vanskeleg og utfordrande. Aktuelle tema du kan snakke med oss om, kan til dømes vere:Prevensjon og nødprevensjonGraviditet og graviditetstestAbortKjønnssjukdommarSjølvskadingKroppsfokusKjønnsidentitetVald og overgrepOmskjæringRusmiddelDu er alltid velkomen til å ta kontakt, anten du har små eller store spørsmål. Her er nokre telefon- og chattetenester du kan kontakte anonymt for støtte, råd og hjelp: For alle:Mental Helse: 116 123Kirkens SOS: 22 40 00 40For barn og unge:Alarmtelefonen for barn og unge: 116 111Kors på halsen (Røde Kors): 800 333 21SnakkOmPsyken.no (chatteneste dreve av Blå Kors)OpningstiderAvdeling LomMåndag kl. 14.30–15.30Helsesjukepleiar er til stades kl. 14.30–15.30Lege er tilgjengeleg kl. 15.00–15.30Jordmor etter avtaleAvdeling SkjåkOpningstider etter avtale. Ta kontakt på telefon for å avtale tidspunkt.Dette kan du få på helsestasjonen:Gratis kondomarGraviditetstestKlamydiatestSjølvtest for klamydia finn du i Utgard i Lom, på HC-toalettet bak garderoba i 1. etasje.Nyttige lenkersexogsamfunn.noHelsestasjon for ungdom på helsenorge.noung.noAnsvarleg for tenesta: Lom og Skjåk helsestasjon Sist endret 15.07.2025 14.36