Søk om å få støttekontakt og BPA

Ein BPA (brukarstyrt personleg assistent) hjelper ein person med funksjonsnedsetting i kvardagen, på den måten personen sjølv ynskjer det. 

Det kan vere praktisk hjelp i heimen, følgje til aktivitetar, støtte i sosiale samanhengar eller hjelp til personleg stell — alt etter kva brukaren treng og bestemmer.

Forskjellen frå andre hjelpetilbod er at brukaren sjølv bestemmer kven assistenten er, kva oppgåver som skal gjerast og når hjelpa skal skje. Det gjer at ein kan leve eit friare og meir sjølvstendig liv.

Døme på oppgåver ein BPA kan hjelpe deg med: 

• Personleg stell: hygiene, påkledning, ernæring, måltid.
• Praktisk bistand: reinhald, matlaging, ærend, hushald.
• Støttekontakt og hjelp ved fritidsaktivitetar – både heime og ute.
• Opplæring i dagleglivets gjeremål.
• Fleksibilitet: organisering etter dine behov – t.d. arbeid, fritid, reiser

• Du må vere under 67 år.
• Treng hjelp i minst to år, med eit behov på minimum 32 timar i veka (kan vurderast frå 25 timar dersom BPA ikkje er vesentleg dyrare enn andre løysingar) 
• Foreldre til born under 18 år med nedsett funksjonsevne kan ha rett til BPA som avlasting

Brukaren sjølv er arbeidsleiar og har ansvar for:

• opplæring av assistentane og dagleg organisering av arbeidet deira. Dette inneber mellom anna å sette opp planar for kva tider assistentane skal arbeide, og for å fylgje opp assistentane i høve HMS (helse, miljø og sikkerheit).
• at ordninga er forsvarleg, både for dei som er tilsett og for seg sjølv. 

Innan dei timeramane som kommunen sitt vedtak fastset, kan brukar styre kva assistentane skal gjere og til kva tider assistanse skal gjevast.

Om du ikkje kan vere arbeidsleiar sjølv, kan ein pårørande eller ein verge ta på seg denne rolla.

• Det blir laga ein skriftleg avtale mellom kommunen, brukaren og arbeidsgjevaren der det går fram kva oppgåver og ansvar som gjeld for brukarstyrt personleg assistanse (BPA).
• Alle BPA-assistentar har teieplikt både under og etter oppdraget.
• Assistentane får opplæring og oppfølging frå arbeidsgivar, og brukaren eller den som er arbeidsleiar, har ansvar for den daglege rettleiinga og organiseringa av arbeidet.

• Send inn søknad – bruk skjema for helse- og omsorgstenester (PDF, 839 kB) og send det til Lom og Skjåk tildelingskontor. 
  Du kan også ta direkte kontakt med tildelingskontoret og få hjelp og rettleiing hjå dei. 
• Kartlegging: kommune vurderer behovet i samarbeid med deg – både mengd og type assistanse.
• Vedtak: du får skriftleg svar med tildelte timar, klagerett og informasjon om organisering.

• Barn under 18 år har rett til gratis brukerstyrt personleg assistanse (BPA) dersom dei har behov for praktisk hjelp eller avlasting på grunn av funksjonsnedsetting
• Er du over 18 år må du betale ein eigenandel. Denne blir utrekna individuelt, basert på inntekt. 

Kva du og støttekontakten gjer saman, blir tilpassa dine ynskje, behov og interesser. Det kan vere:

• Å dra på kino, konsert eller arrangement
• Vere med på tur, kafébesøk eller hobbyaktivitetar
• Få besøk heime for prat og sosialt samvær
• Bli med som støtte til å delta i organisert fritidstilbod

Støttekontakten skal vere med og bidra til at du får ei triveleg og aktiv fritid. Praktiske gjeremål og transport er ikkje ein del av oppgåva.

Tilbodet er for personar og familiar som, av ulike grunnar, har behov for hjelp til å delta sosialt. Det kan vere på grunn av funksjonsnedsetting, alder, psykiske utfordringar eller andre sosiale forhold. Målet er å hindre isolasjon og leggje til rette for deltaking i samfunnet.

• Det blir laga ein skriftleg avtale mellom kommunen og støttekontakten der det står kva oppgåver og ansvar som gjeld, lønsvilkår og reglar for teieplikt.
• Alle støttekontaktar har teieplikt både under og etter oppdraget.
• Støttekontaktane får opplæring og oppfølging av vernepleiar.

• Ta kontakt med Tildelingskontoret i Lom kommune om du ønskjer støttekontakt.
• Behovet ditt blir kartlagt, og det blir gjort ei vurdering ut frå funksjonsnivå og hjelpebehov. Vi nyttar IPLOS-registrering, som er lovpålagt.
• Du får hjelp og rettleiing til å fylle ut søknaden om du treng det.

• Tilbodet er gratis. 
  Dersom du ønskjer å delta på aktivitetar eller arrangement som kostar meir enn det som er avtalt eller du har fått vedtak på, må du betale det sjølv.