Bekymringsmelding

Om offentlege myndigheiter har grunn til å tru at eit barn blir utsett for alvorleg omsorgssvikt eller mishandling, har dei plikt til å melde saken vidare til barnevernet. 

Du har meldeplikt etter barnevernslova § 13-2 viss:

• Du er offentleg tilsett eller du utfører oppgåver for det offentlege
• Du er yrkesutøvar med profesjonsbestemd teieplikt

Meldeplikten etter barnevernslova inneber eit personleg ansvar for å melde, og går føre lovfesta teieplikt.

Les meir om dette hjå Bufdir.

Slik melder du frå

Vi tilrår at du bruker digital bekymringsmelding for sikker innmelding til barnevernstenesta.

Gå til digital bekymringsmelding

Om du er bekymra for eit barn si utvikling eller omsorg, kan du ta kontakt med barneverntenesta i den kommunen barnet bur. Du kan melde via telefon eller brev: 

• Telefon: 617 00 700 (sentralbord, rådhuset i Sel)
• Akutte henvendelser utanom arbeidstid: Nord-Gudbrandsdal barnevernvakt tlf. 90 85 44 75
• E-post: barnevernteneste@sel.kommune.no
• Post: Barneverntenesta for kommunane Sel, Vågå, Lom og Skjåk, Botten Hansensgt. 9, 2670 Otta

Les meir om å melde frå til barnevernet som privatperson hjå Bufdir.

Er du bekymret for eit barn, på den måten at du trur foreldra kanskje ikkje klarar å ta godt nok vare på barnet, bør du melde frå til barnevernet.

Er du bekymra, skal du melde frå uansett. Di bekymringsmelding kan vere særs viktig for barnet det gjeld. 

Det er vanleg å frykte at ein kanskje overreagerer eller overtolkar signalar. Mange lurar på om dette ikkje er alvorleg nok, eller om ei melding kan skape unødvendige problem. 

Det er barnevernet si oppgåve å vurdere bekymringar, og om hjelp er naudsynt. Di oppgåve er å sørge for at barnevernet får vite om barn som har det vanskeleg.

Du kan ringe eller skrive eit brev til barneverntenesta i kommunen din. På kveldstid kan du kontakte barnevernvakta der denne finst – eller ringje gratis til den landsdekkande Alarmtelefonen for barn og unge (tlf. 116 111). Då blir bekymringa di formidla vidare til barnevernet der barnet bur.

Sakshandsamaren skriv ned det du fortel. Innafor ei veke avgjer barnevernet om dei skal setje i gang ei undersøking, eller om meldinga skal leggast bort. Ei undersøking skal vanlegvis ikkje vare lenger enn tre månader.

Barnevernet foreslår hjelpetiltak som kan gjere situasjonen betre for barnet. Dei fleste barna (8 av 10) får hjelp heime hjå foreldra. Hjelpa kan til dømes vere råd og rettleiing, barnehageplass, støttekontakt, besøksheim eller tilsyn i heimen. I enkelte saker får barnet plass i fosterheim eller på institusjon.

Nei, du kan velje å vere anonym. Barnevernet må informere familien om innhaldet i meldinga. Foreldra vil då ofte forstå kven som har meldt frå.

Nei. Barnevernet har teieplikt. Annleis er det for tilsette i til dømes skule eller barnehage. Dei har krav på tilbakemelding om det blir sett i gang tiltak eller ikkje.

Ja. Du vil ikkje få vite kva barnevernet har gjort sidan sist du ringde. Om du framleis er bekymra, er det likevel viktig at du tek kontakt og fortel kvifor.

Du kan bli innkalla som vitne. Då har du plikt til å møte og fortelje kvifor du har vore bekymra.

Du kan lese meir om kva slags hjelp barnevernet tilbyr på desse nettstadene:

• barnevernet.no
• regjeringa.no
• bufetat.no