Har du innspel knytt til omstillinga?
Har du innspel eller tankar du meiner bør kome fram? Da er det viktig at du sender dette inn, slik at det blir med i vidare drøftingar. Under kan du sende inn ditt innspel/spørsmål anonymt.
Kva har kome fram i innbyggjardialogen?
Lom kommune inviterte til innbyggjardialog om framtidig organisering av barnehage og skule. Målet var å få innspel frå innbyggarane om korleis oppveksttilbodet kan utviklast vidare, slik at kommunen kan sikre gode tenester innanfor dei økonomiske rammene. Dialogmøta handla om viktige val som påverkar både tilbodet til barn og unge og utviklinga av lokalsamfunnet.
Nedanfor kan du lese nokre av innspela som har kome fram. Dei fleste av desse kom inn i samband med innbyggjardialogmøta. Innspela er bearbeidde og samanstilte for å gi ei oversikt over hovudpunkta som kom fram i dialogmøta.
- Mange ynskjer ikkje å samle alt i Lom sentrum.
- Garmo blir sett på som viktig for oppvekst, lokalsamfunn og beredskap.
- Garmo barnehage blir oppfatta som eit kvalitativt godt tilbod med unike natur- og friluftskvalitetar.
- Skepsis til store einingar, med frykt for dårlegare plass, kvalitet og oppfølging - særleg for barn med særskilde behov.
- Bekymring for trafikk, logistikk og kapasitet ved samlokalisering i Lom.
- Usemje om løysing, men eit ynskje om minst mogleg inngrep for barna.
- Kritikk av å flytte mellomtrinn til ungdomsskule (alternativ 5), særleg med tanke på barn si utvikling og læringsmiljø.
- Nokre støttar samlokalisering/1–10-skule for betre ressursbruk.
- Forslag om felles skuletid for å redusere transportkostnader.
- Behov for ein plan for bruk eller avhending av kommunale bygg og frigjorte areal.
- Prioritere nødvendig vedlikehald framfor standardheving.
- Opne for meir utleige og alternativ bruk.
- Nokre meiner bygg bør seljast til private for utvikling.
- Brei forståing for at kommunen må spare, men etterlyser betre prioriteringar.
- Spørsmål om talgrunnlag og framtidsprognosar.
- Oppmoding om å lære av nabokommunar.
- Tilbod som barnehage, skule og møteplassar er avgjerande for busetjing og tilflytting.
- Garmo barnehage blir peika på som eit viktig konkurransefortrinn.
- Behov for tiltak som styrkar bustadpolitikk, til dømes buplikt og utvikling av hytteområde.
- Behov for basseng (folkehelse og tilgjenge).
- Vurdere interkommunalt samarbeid på enkelte tenester.
- Viktig med vidare medverknad i prosessen.