Agnete Brun

Utover våren tilbyr vi totalt 13 foredrag om bl.a. nordmenn i Sør-Amerika, kulturhistorien til eplet, den naturnære hagen, kvinnehelse, årstidene, paven og den katolske kyrkja og om å vera tett på makta i Noreg. Arnt Stefansen, Dag Jørund Lønning, Linn Stalsberg og Magnus Takvam er nokre av foredragshaldarane.  Fyrst ut er Marte Spurkland som fortel historien til Daniella som vart tvangsgifta bort til fetteren sin som 13 åring her i Noreg.  

Foredraga går som regel direkte, blir overført digitalt og vist på storskjerm frå 11.00 til 12.00 anna kvar måndag fram til sommaren. OBS: To av foredraga går tysdagar.  Det er gratis inngang og inga påmelding. Det er berre å møte opp for alle som vil. Det er mogleg å kjøpe seg kaffi og litt å bite i til foredraget, så det kan vera lurt å koma litt før for dei som vil ordne seg med det til foredraget. 

Dette er eit tilbod biblioteket får tilgang til gjennom Bibliotek24 og Senioruniversitetet.