Korleis blir eigdomen din taksert

Du får beskjed frå kommunen når eigedommen din skal takserast.

Slik går takseringa føre seg

Kommunen gir beskjed når eigedommen din skal takserast. Korleis takseringa skjer, avheng av kva type eigedom du eig. 

Bustader

For bustader bruker vi marknadsverdien frå Skatteetaten som grunnlag for taksten.

Marknadsverdien blir fastsett etter nasjonale reglar og tek utgangspunkt i verdien på bustaden. Ved utrekning av eigedomsskatt blir verdien justert etter reglane i eigedomsskattelova.

Fritidseigedomar og næringseigedomar

Fritidseigedomar og næringseigedomar blir takserte av sakkunnig nemnd som nyttar synfarar. Synfarar er rundt på eigedomane og samlar inn informasjon til den sakkunnige nemda.

Synfararane:

• samlar inn informasjon om eigedommen
• gjennomfører synfaring (utvendig vurdering) ved behov
• vurderer eigedommen ut frå storleik, standard, bruk og plassering

Kva legg vi vekt på?

Når eigedommen blir taksert, legg vi mellom anna vekt på:

• storleik (til dømes bruksareal) (legg inn ordforklaring på bruksareal: alt areal innanfor yttervegg)
• eigedomstype
• standard og tilstand
• plassering

Målet er å fastsetje ein eigedomsskattetakst som i størst mogleg grad speglar eigedommen sin marknadsverdi. 

Blir alle eigedomar synfarte?

Dei fleste fritidseigedomar og næringseigedomar blir vurderte av synfarar. Dette kan innebere synfaring frå utsida, og du treng ikkje vere til stades under synfaringa.