Kva er eigedomsskatt?

Nei. Eigedomsskattelova vart endra i 2019. Maskiner og produksjonsinstallasjonar som tidlegare kunne inngå i taksten, skal ikkje lenger reknast med i grunnlaget for eigedomsskatt på næringseigedom.

Kraftverk og kraftnett blir takserte etter eigne reglar.

Transformatorar på næringseigedomar kan i enkelte tilfelle inngå i taksten. Transformatorar som er ein fysisk del av reduksjonen av spenningsnivået ned til produksjonsspenning, blir rekna som produksjonsinstallasjonar og blir derfor ikkje takserte.

Større transformatorar som er eigde av næringseigedomen og er ein del av fordelingsnettet på eigedomen, skal derimot takserast.

Her kan du lese meir om reglane for næringseigedom, produksjonsutstyr og -installasjonar i eigedomsskattelova § 4.

Eigartomt betyr at du eig både grunnen og bygningane som står på eigedomen.

Festetomt betyr at grunnen og bygningen kan ha ulike eigarar. Vanlegvis eig du bygningen, medan grunnen tilhøyrer ein annan grunneigar. Du har då rett til å bruke tomta gjennom ein festeavtale og betaler som regel festeavgift til grunneigaren.

Kven som blir skattlagd for bygningen og tomta, avheng av festeforholdet og avtalen. I nokre tilfelle blir festaren skattlagd for både bygningen og tomta. I andre tilfelle blir eigedomsskatten delt, slik at bygningseigaren blir skattlagd for bygningen og grunneigaren for tomta.

Her kan du lese meir om kva som blir rekna som fast eigedom etter eigedomsskattelova § 4.

Nei. Det er den forventa leigeverdien som blir lagd til grunn – altså kva eigedomen normalt kunne vore leigd ut for.

For å finne eit representativt nivå blir det henta inn informasjon om leigeprisar for ulike typar eigedomar, til dømes kontor og lager. Her inngår både høgare og lågare leigeprisar og eigedomar med ulik grad av utleige. På bakgrunn av dette blir det fastsett ein normalisert leigeverdi for kommunen.

Ved takseringa for 2027 blir kroneverdien per 1. januar 2027 lagd til grunn og skal gjelde i ti år. Dersom ein eigedom seinare blir taksert på nytt, til dømes på grunn av nye bygningar, skal verdien fastsetjast som om eigedomen var taksert i 2027.

Bustader med bustadverdi frå Skatteetaten er eit unntak. Desse verdiane blir justerte kvart år. Bustadverdiane kommunen får i 2027, byggjer på opplysningar frå skattemeldinga for 2025.

Ja. Korleis hytta er utforma og kva fasilitetar ho har, har betydning for korleis ho blir vurdert.

Campinghytter med enkel standard
Hytter utan eige toalett, dusj/bad eller kjøken, og som er avhengige av felles sanitæranlegg, blir rekna som næringseigedom. Desse har lågare sjablongverdi fordi standarden er lågare enn for ordinære fritidsbustader.

For næringseigedom blir 100 prosent av taksten lagd til grunn for eigedomsskatten, med ein skattesats på inntil 7 promille.

Hytter med standard som fritidsbustad
Hytter med eige toalett, dusj/bad og fungerande kjøken blir rekna som fritidsbustader. Desse har høgare sjablongverdi, på same måte som til dømes leilegheiter og andre fritidsbustader.

For fritidsbustader blir 70 prosent av taksten lagd til grunn for eigedomsskatten, med ein skattesats på inntil 4 promille.

Ved taksering for eigedomsskatt blir den faktiske bruken og brukseigenskapane til bygget lagde til grunn.

Det betyr at ein bygning kan bli taksert ut frå korleis han faktisk blir brukt, sjølv om bygningen eller bruken ikkje er godkjend etter plan- og bygningslova.

At kommunen skriv ut eigedomsskatt på grunnlag av den faktiske bruken, betyr ikkje at kommunen har godkjent bruken.

Dersom det blir avdekt mogleg ulovleg bruk i samband med takseringa, kan saka bli følgd opp av byggjesaksavdelinga.