Attraktivitet

4.1 Kommunen skal synleggjere og legge til rette for attraktive næringsareal og næringslokale, anten plassert i Lom eller i nabokommunane som ein del av eit felles bu- og arbeidsmarknad. 

4.2 Kommunen skal leggje til rette for og stimulere til utvikling i næringslivet gjennom nettverk, informasjon, rådgjeving og støtte, med særleg vekt på digitalisering og grønt skifte. 

4.3 Kommunen skal jobbe for å auke rekrutteringa til landbruket. 

4.4 Det skal arbeidast for at både arbeidsplassar og aktivitetstilbod i større grad blir heilårsbaserte. 

4.5 Lomssamfunnet skal tiltrekke seg folk med staduavhengig arbeidsplass gjennom tilrettelegging og omdømmebygging. 

4.6 Lom kommune skal følge opp Innlandet sitt matløfte, med eit mål om å auke bruken av lokal mat i offentleg sektor.

5.1 Kommunen skal vere ein lærande organisasjon og jobbe for sterke og innovative fagmiljø, gjennom kompetanseheving, utvikling og myndiggjering av arbeidstakarane. 

5.2 Kommunen skal vere ein inkluderande arbeidsgjevar, som verdsett mangfald og legg til rette for ulike livsfasar og livssituasjonar. 

5.3 Kommunen skal redusere sjukefråvær gjennom trivsel, medverknad og nærvær blant tilsette, og har eit mål om eit sjukefråvær på under 7 %. 

5.4 Bemanningsplanlegginga i kommunen skal leggje til rette for fleksible og berekraftige løysingar, som sikrar kvalitet og kontinuitet i tenestene. 

5.5 Det skal praktiserast tillitsbasert styring og leiing i Lom kommune, med fokus på relasjonell leiing.

6.1 Lom kommune skal saman med andre arbeide for ei positiv utvikling av tettstadane våre, med særleg fokus på Fossbergom og Lom sin status som nasjonalparklandsby og nasjonalparkkommune. 

6.2 Lom kommune skal formidle alt det positive med å bu, besøke, arbeide og drive næring i Lom. 

6.3 Lom kommune skal jobbe aktivt for tilflytting, attendeflytting og inkludering av nye innbyggjarar. 

6.4 Lom kommune skal jobbe for ein velfungerande infrastruktur, inkludert betre trafikktryggleik, betre breiband- og mobilnett og kollektivtilbod.  

6.5 Lom kommune skal samarbeide godt med næringsliv, organisasjonar, innbyggjarar og gjestar. 

6.6 Lom kommune skal legge til rette for gode arenaer for kultur, og bidra til å forvalte og formidle den lokale kulturarven. 

6.7 Lom kommune skal jobbe tett saman med ungdommen og unge vaksne for å styrke Lom som eit attraktivt samfunn for denne målgruppa. 

6.8 Lom kommune skal synleggjere ledige bustadar, slik at det blir enklare å finne seg bustad til sal eller leige i Lom. 

6.9 Lom kommune skal sikre eit meir attraktivt og variert bustadtilbod gjennom aktiv tilrettelegging og tett samarbeid med andre aktørar, slik at fleire vel å bu og etablere seg i kommunen. 

6.10 Lom kommune skal forvalte dei kommunale utleigebustadane i tråd med behovet, og teste ut nye og fleksible løysningar.