Råd ved kokeanbefaling

Dersom vatnet må kokast, sender Lom kommune alltid ut melding om kokeanbefaling til dei det gjeld. Vi varslar òg når kokeanbefalinga blir oppheva. 

Vi sender som regel ut kokeanbefaling for å vere føre var – for å sikre at alle har trygt drikkevatn.

Ved leidningsbrot er det som oftast nok at kommunen gjer ei kontrollert spyling. Dersom vi er usikre på om vatnet kan vere forureina, tek vi vassprøver og vurderer om vi skal sende ut kokevarsel.
Alle kokevarsel blir sendt ut i samarbeid med kommuneoverlegen.

Når du får kokevarsel

Du bør koke vatnet som skal brukast til:

  • Drikke, saft og andre drikkeprodukt
  • Mat som ikkje skal kokast eller varmast opp over 100 °C
  • Kaffe (kaffetraktarar kokar ikkje vatnet)
  • Isbitar
  • Skylling av frukt, salat og grønsaker
  • Tannpuss
  • Manuell oppvask, inkludert skylling

Les meir om dette hjå Folkehelseinstituttet.

Har du 20 liter vatn per person heime i beredskap? 

Direktoratet for sikkerheit og beredskap (DSB) rår oss til å lagre 20 liter drikkevatn per person. Då har du til minimumsbehovet for ei veke dersom noko skulle skje med vatnet i springen.

Reint vatn på reine behaldarar kan lagrast i årevis utan at det blir farleg å drikke.

Fleire tips om lagring av vatn finn du på dsb.no 

Sist endret 08.10.2025 15.16