Råd ved misfarga vatn

Etter arbeid på vassleidningar i nærleiken kan du oppleve at vatn er misfarga. Då er det lurt om du tappar kaldt vatn så nært inntaket i huset ditt som råd og let det renne til vatnet blir reint. 

Dersom det er ubehageleg lukt/smak av vatnet eller vatnet er misfarga, kan du:

  • La vatnet renne med kaldt vatn til det blir klart igjen. I nokre tilfelle kan dette ta ei stund.
    • Lar du det renne med kaldt vatn så unngår du å få misfarga vatn inn i varmtvannsberedaren.
  • Vent med å vaske lyst tøy til vatnet er klart igjen.
    • Om du får farge på klesvasken, hald tøyet vått til vatnet er klart og vask på nytt.

Om misfarginga ikkje blir betre i løpet av nokre timar, så ta kontakt med kommunen

Har du 20 liter vatn per person heime i beredskap? 

Direktoratet for sikkerheit og beredskap (DSB) rår oss til å lagre 20 liter drikkevatn per person. Då har du til minimumsbehovet for ei veke dersom noko skulle skje med vatnet i springen.

Reint vatn på reine behaldarar kan lagrast i årevis utan at det blir farleg å drikke.

Fleire tips om lagring av vatn finn du på dsb.no 

Sist endret 08.10.2025 15.16