Status 29. januar, kl. 14:30
Etter møte i kommunal kriseleiing i dag er status i hovudsak uendra.
Vassrestriksjonane for innbyggjarar i Fossbergom-området står framleis ved lag. Dette gjeld avgrensing av vassforbruk for å redusere utslepp til avlaupsanlegget. Drikkevatnet er ikkje påverka av hendinga.
Lom kommune held fram arbeidet med å etablere ei mellombels løysing for reinsing av avlaupsvatn. Kriseleiinga følgjer situasjonen tett.
Kommunen kjem attende med meir informasjon innan onsdag i neste veke, eller tidlegare dersom det skjer endringar.
Det er fleire som nå står på i krevjande forhold for å løyse utfordringane ved reinseanlegget.
Kommunal kriseleiing ynskjer å rette ein stor takk til dykk for innsatsen de legg ned.
Status 28. januar, kl. 08:00
Etter møte i kommunal kriseleiing i dag er status uendra. Den informasjonen som vart lagt ut i går gjeld framleis.
Lom kommune held fram arbeidet med å etablere ei mellombels løysing for reinsing av avlaupsvatn, og kriseleiinga følgjer situasjonen tett. Det blir jobba så raskt og effektivt som mogleg på staden.
Innbyggjarar i Fossbergom-området er framleis oppmoda om å avgrense vassforbruket sitt for å redusere utslepp til avlaupsanlegget. Drikkevatnet er ikkje påverka av hendinga.
Kommunen kjem attende med ny informasjon dersom situasjonen endrar seg.
Status 27. januar, kl. 09:00
Lom kommune held fram arbeidet med å etablere ei mellombels løysing for reinsing av avlaupsvatn.
Alle innbyggjarar i Fossbergom-området er framleis oppmoda om å avgrense vassforbruket sitt, det vil seie ikkje bruke meir vatn enn nødvendig. Dette for å redusere utslepp til avlaupsanlegget.
Drikkevatnet er ikkje påverka av hendinga.
Kommunal kriseleiing ynskjer å rette ein stor takk til brannmannskapa i Skjåk, Lom og Vågå for rask og god innsats.
Status 26. januar, kl. 14:00
Lom kommune har nå oversikt og kontroll over situasjonen ved reinseanlegget.
Det blir arbeidd med å etablere ei mellombels løysing for reinsing av avlaupsvatn.
Alle i Fossbergom-området er framleis oppmoda om å avgrense vassforbruket sitt - altså ikkje bruke meir vatn enn nødvendig. Dette for å avgrense utslepp til avlaupsanlegget.
Kommunale tenester og anna næringsverksemd kan ha normal drift inntil vidare.
Neste møte i kommunal kriseleiing er tysdag 27. januar, kl. 09:00.
Status 26. januar, kl. 10:00
Alle i Fossbergom-området er framleis oppmoda om å avgrense vassforbruket sitt - altså ikkje bruke meir vatn enn nødvendig. Grunnen til dette er å avgrense utslepp til avløpsanlegget.
Kommunen jobbar med å få oversikt over situasjonen
Per nå er det avgrensa tilgang til anlegget, dette er grunnen til at arbeidet med å få oversikt tek noko tid.
Lom kommune kjem attende med meir informasjon så snart situasjonen tillet det. Det er nytt møte i kommunal kriseleiing kl. 14:00.
Status 26. januar, kl. 08:00
Lom kommune jobbar framleis med å få oversikt over situasjonen.
Kommunen kjem attende med meir informasjon etter nytt møte i kommunal kriseleiing kl. 10:00.
Innbyggjarar i Fossbergom-området er framleis bedne om å avgrense vassforbruket sitt.
Status 26. januar, kl. 06:45
Lom kommune jobbar med å kartlegge situasjonen og følgjene av hendinga. Inntil vidare ber vi innbyggjarar i Fossbergom-området om å avgrense vassforbruket sitt.
Kommunen kjem attende med meir informasjon så snart dette er tilgjengeleg.
Oppdatert informasjon vil bli lagt ut fortløpande på kommunen si nettside.