Korleis kan du ta vare på hjernehelsa, beskytte deg mot nettsvindel og leggje til rette for å bu heime lenger? Under Eldreveka 2026 får du gode råd og nyttig kunnskap om tema som kan bidra til betre livskvalitet gjennom heile livet.
Senteret for eit aldersvennleg Noreg inviterer til ei heil veke med digitale førelesingar, der fagpersonar frå ulike organisasjonar og fagmiljø deler kunnskap og erfaringar.
Gratis og ope for alle
Gjennom veka kan du lære meir om mellom anna hjernehelse, fysisk aktivitet, digital tryggleik, velferdsteknologi og aldersvennlege lokalsamfunn.
Førelesingane blir sende digitalt frå måndag 28. september til fredag 2. oktober, mellom kl. 12.00 og 15.30.
Du vel sjølv kva førelesingar du ønskjer å delta på, og det er heilt gratis. Inviter gjerne med deg ein ven, nabo eller familiemedlem til å sjå saman med deg!
Sjå heile programmet og meld deg på via QR-koden på plakaten nedanfor, eller besøk aldersvennlig.no.
Plakat eldreveka (PDF, 532 kB)