Ikkje øydelegg jula for avlaupet

Kjære innbyggjar: Når du lagar ribbe, pinnekjøt og anna god julemat, er det éin ting som verkeleg kan øydelegge både stemninga og avlaupssystemet vårt; feitt og matrestar i vasken eller toalettet.

Så i år ber vi deg om éin ting:
Ikkje tøm feitt, matolje eller matrestar i vasken eller toalettet!
Om du ikkje kan gjere deg nytte av matfeitt og matrestar, gjer dette i staden:

• La feittet stivne i panna, skrap det av og kast det i restavfallet
• Samle brukt matolje i ein tett behaldar og kast i restavfall, eventuelt lever det til gjenvinning
• Bruk matavfallsordninga for matrestar

Det tek berre nokre sekund ekstra – men det sparar både deg, naboane dine og oss i kommunen for unødvendige kostnadar, problem og arbeid. Saman kan vi sørgje for at avlaupet også får ei god jul.