Nye skattesatsar for eigedomsskatt frå 2026

Utskriving av eigedomskatt

For utskriving av eigedomsskatt for skatteåret 2026 vert det gjennomført kontorjustering i tråd med føresegnene i eigedomsskattelova. Det inneber at eksisterande eigedomsskattegrunnlag vert justert med 10 prosent frå og med 2026. Dette er fyrste justering sidan 2012.

Bakgrunnen for justeringa er å sikre at eigedomsskattegrunnlaget i større grad samsvarar med verdiutviklinga på eigedomar over tid.

Kva er kontorjustering?

Kontorjustering betyr at justeringa vert gjort administrativt, utan ny taksering eller synfaring av eigedomane. Endringa gjeld likt for alle eigedomar som er omfatta av eigedomsskatt i kommunen.