Trygg Trafikk markerer Refleksdagen kvart år for å minne oss på kor viktig det er å bruke refleks. Likevel er det framleis mange som ferdast ute i mørket utan refleks.
Fotgjengarar kan vere vanskelege å oppdage i mørket, særleg når dei kryssar vegen. Det er derfor viktig å bruke refleks, også i område med gatelys.
Alle som ferdast i trafikken, har eit ansvar for å bidra til tryggare trafikk. Bilførarar må vere ekstra merksame i mørket, medan fotgjengarar og syklistar bør sørgje for å vere godt synlege.
Sjekk refleksane dine
Refleksdagen er ei god påminning om å finne fram refleksane og feste dei på ytterkleda.
Hugs også å sjekke at refleksane framleis fungerer som dei skal:
- Refleksbrikker og refleksband kan vare lenge, så lenge dei ikkje er ripete eller skadde.
- Refleksvestar og klede med refleks kan miste refleksjonsevna etter fleire rundar i vaskemaskina. Sjekk vaskeanvisninga – mange bør bytast ut etter om lag 20 vask.
Gjer det til ein vane å bruke refleks når du går ut i mørket. Det er eit enkelt tiltak som kan bidra til å førebyggje ulykker.
Hugs refleksen – og ta vare på deg sjølv og andre i trafikken!