Dei oppmodar derfor alle foreldre og føresette til å ta ein prat med barna sine om trygg bruk av el-sparkesykkel. Det er dei vaksne som har hovudansvaret for barna i trafikken.
Når barnet ditt brukar el-sparkesykkel, er det ein køyrande trafikant. Det betyr at barnet må følgje trafikkreglane, tilpasse farten, ta omsyn til gåande og vite når det har vikeplikt.
Dette kan vere vanskeleg å ha full oversikt over, særleg for barn. Difor er rolla di som føresett viktig.
Kva kan du gjere?
Du kan bidra til å gjere trafikken tryggare ved å:
- Snakke med barnet om trygg bruk og enkle trafikkreglar.
- Sjekke at el-sparkesykkelen er lovleg.
- Sørgje for at el-sparkesykkelen er forsikra.
- Passe på at barnet brukar ein hjelm som passar.
Sjølv små grep kan redusere risikoen for ulykker.
Les meir og få konkrete råd hos Trygg Trafikk