TV-aksjonen 2026: Ta godt imot bøsseberarane!

Søndag 18. oktober går TV-aksjonen 2026 av stabelen. Årets innsamling går til NRC Flyktninghjelpen. Vi håpar du tek godt imot bøsseberarane når dei kjem på døra!

Årets TV-aksjon skal bidra til at menneske på flukt frå krig og konflikt får ein trygg stad å bu.

Nær 120 millionar menneske er på flukt frå krig og konflikt. TV-aksjonen 2026 skal bidra til at over 400 000 menneske får tryggare og betre butilhøve i Syria, Gaza, Afghanistan, Tsjad, Sudan og DR Kongo.

Pengane frå aksjonen skal mellom anna gå til telt og andre naudbustader, mellombelse og permanente heimar, vatn- og sanitærprosjekt og juridisk hjelp for å sikre bustad- og eigedomsrettar.

Ein heim er meir enn fire veggar og eit tak

Å måtte flykte frå krig og konflikt inneber ofte å forlate heim, arbeid, skule og menneske ein er glad i. Mange veit ikkje om eller når dei kan vende heim att.

Ein trygg stad å bu gir vern og ein stad å høyre til. Når familiar får ein heim, blir det også lettare å skape ein meir stabil kvardag, finne arbeid og sende barna på skulen.

Ta godt imot bøsseberarane!

Søndag 18. oktober går frivillige bøsseberarar frå dør til dør i Lom for å samle inn pengar til årets TV-aksjon.

Bøsseberarane er ein viktig del av aksjonen, og vi er glade for at så mange har meldt seg til å bidra lokalt.

Når bøsseberarane kjem på døra, kan du støtte aksjonen med kontantar eller betale med Vipps.

Er du ikkje heime når bøsseberarane kjem? Du kan også bidra ved å Vippse til 2133.

Om TV-aksjonen

NRK TV-aksjonen er den største innsamlingsaksjonen i Noreg og samlar kvart år inn pengar til eit aktuelt formål.

NRC Flyktninghjelpen er den største humanitære organisasjonen i Noreg og hjelper menneske på flukt i nokre av dei mest alvorlege krisene i verda.

Les meir om TV-aksjonen på tvaksjonen.no

Publisert av Marit Rolstad
Sist endret 23.09.2026 10.14