I 2022 deltok Lom i GNIST-programmet,  eit innovasjonsprogram for kommunar i heile landet som vil jobbe på nye måtar med berekraftig stads- og næringsutvikling, i regi av DOGA. 
Målsetting var å bidra til eit meir attraktivt og variert bustadtilbod i Lom, med utgangspunkt i den kommunale tomta Kulihaugen. Det kan du lese meir om her: 

I 2023 inngjekk Lom kommune ei avtale med designbyrået Natural State for å gå frå ord til handling. 
Grunnlaget frå det arbeidet resulterte i ein innvilga søknad frå Husbanken i juni 2023, der Lom er blant dei heldige som har fått tilskot frå ordninga "Boligtiltak i distriktene". Av 40 søknadar vart 14 av dei innvilga, deriblant Lom sin. 
Dette betyr at det gode samarbeidet med m.a. Natural State kan fortsette, og vi har fått sikra finansiering til å halde trykket oppe det neste året. Dette er viktig for å sikre at fokuset på involvering og nytenking held fram. 
Gratulerer også til vår nabokommune Skjåk, som har fått eit tilsvarande tilskot for å jobbe vidare med rekrutteringsbustadane sine.