Her fylgjer ei omtale av ting som er greitt å hugse på ved planlegging av vigsel i Den Norske kyrkja. Sjå òg www.kirken.no

Her i kyrkjene i Lom ynskjer vi at vigslane skal vera så enkle som råd, da vi ikkje har dei same resursane som store kyrkjesokn har. Det er den kyrkjelege handlinga som skal stå i fokus i kyrkja denne dagen.

Dette er korleis vi organiserer vigsel i kyrkjene våre:

Datoar for vigsel vert lagt ut ca april året før, på nettside, facebook og i kyrkjeblad nr. 1. Ta kontakt med kyrkjekontoret for å høyre om datoen dykk har tenkt er ledig, i fall heimesida ikkje er oppdatert. Fram til 1. oktober vil datoane vera reserverte for brurepar med bustadsadresse her i Lom, og for par med tilknyting. (Føresette med bustadsadresse i Lom)

Har vi ledige tidspunkt etter denne datoen, vil vi opne for brurepar utan tilhøyre i Lom.

Vi ynskjer å nytte tidspunkta 11:00, 13:00 og 15:00 for vigsel. MEN tidspunkta kan verte endra grunna tilgang til prest. Om dette vert endra, skjer dette ca rundt nyttår.

Merk at dato må avtalast med kyrkjekontoret fyrst av alt, da vi legg opp til vigselsdatoar etter kor tid vi har messefri. Da dei tilsette har fri i henhald til arbeidsmiljølova. Ikkje nokon av kyrkjene i Lom vert leigd ut til vigsel utan medvirking av kyrkjelege tilsette i Lom kyrkjelege råd.

Går de med gifteplanar, ta kontakt med oss i god tid for å avtale dato for vigselen. 

Denne sida er under arbeid, så ta kontakt om du går med gifteplanar. 

Har du ikkje bustadsadresse i Lom, er det desverre ikkje mogleg med vigsel i 2025.

Når de har fått stadfesta datoen for vigsel, fyll ut skjemaet nedafor.

Før de kan bli vigde, må det gjerast ei såkalla prøving av ekteskapsvilkåra. Dei naudsynte skjema finn de under: Merk: Skjema er gyldig i 4 månader.

• Ekteskap mellom to norske statsborgarar
• Ekteskap med ein utanlandsk statsborgar
• To utanlandske statsborgarar som skal gifte seg i Noreg

Hugs: Kryss av for at prøvingsattesten skal sendast til kyrkjekontoret, og før på følgjande adresse:

Lom kyrkjekontor
Pb. 177
2688 Lom

Kyrkjekontoret gjev presten kontaktinformasjon til brureparet om lag 1 månad før vigselen. Ho/han tek kontakt for å gjere avtale om vigselsamtale. Her snakkar prest og brudepar om ekteskapet og går samtidig gjennom gangen i vigselen.

Det er organisten som har det overordna ansvaret for musikken i kyrkjelege handlingar. 

De lyt ta kontakt med organist for å avtale salmar og musikk seinast 1 månad før vigselen. Godkjenning av salmer MÅ avtalast med organist før evnt. program blir trykt.

• For førebuing for organisten ber vi om at de fyller ut  fylgjande skjema til kyrkjekontoret: Song- og musikkynskje
• Organisten har 4 timar tilgjengeleg per vigsel (øving og vigselsdag). Alt utover dette vert fakturert med timesats.

Det er fastsett satsar for vigsel i Lom kyrkjekommune:

Definisjonar:

*Vigsle:

Utan tilknyting (utansokns): Som utansokns reknast personar som ikkje bur i Lom kommune.

Med tilknyting: Der ein/båe partane er utansokns, men har foreldre som bur i Lom kommune. Der ein/båe partane har slik tilknyting, vert ikkje paret rekna som utansokns.

• Vigsle for utansokns:  Nok. 5000,-
• Vigsle på dagar med heilagdagsgodtgjersle: Nok. 7000,-
• Inkluderer organist inntil 4 timar inkl. øving og kyrkjetenar inntil 3 timar.
• Teneste frå presten kjem i tillegg: Nok. 2 800,-.

Kyrkjekontoret i Lom tek imot bestilling av vigsel av absolutt alle. LHBT+ personar og/eller forbønn for borgarleg inngått ekteskap av LHBT+ personar. Velkomne til oss!

Ta kontakt med kyrkjekontoret for meir informasjon kring dette.