Aktuelt

Diktardagar

8. - 10. august i Lom, Skjåk og Vågå

Diktardagar
2014-07-28

Årets Diktardagar i Lom, Skjåk og Vågå går av stabelen 8. - 10. august. I år er det grunnlovsjubiéet og Jan-Magnus Bruheim som er gjennomgangstema under dagane. Diktardagar kan skilte med namn som Sigrid Moldestad, Frank Aarebrot, Rolf Groven og Stein Ørnhøi.  I tillegg vil tre skrivande kvinner med lokal tilknytning delta under dagane. Ragnhild Kolden lanserer den nye boka si, Fredens frosne hjarte. Den prisvinnande Gyrid Axe Øvsteng reiser på bibliotekturné og møter ungar i alle tre bygdene, og Sigrun Slapgard frå Nord-Fron som i fjor vann Nynorsk litteraturpris for boka Engelstien, deltek under bokbadet. Jon Hjørnevik vil krydre dagane med sprelsk poesi, Hemsing & Hansegård med hallingkast og forrykande felespel. Sundag berst det til fjells med tur til Mimisbrunnr og Elveseter, før vi avsluttar med geologisk vandring i Lom sentrum med Torgeir T. Garmo. Du ser program og ordnar billettbestillinga på nett eller på Lom folkebibliotek, tlf 61 21 16 30, biblioteket@lom.kommune.no OBS: På melding til Diktarmiddagen og turane innan 7. august. Med festivalpass kan du delta på alle arrangementa med unntak av Diktarmiddagen.


2014-07-23: Gründer i Lom?