Lom folkebibliotek

Opningstider 

Måndag  12.00 – 19.00
Onsdag  12.00 – 19.00
Torsdag  10.00 – 15.00
Fredag   10.00 – 15.00
Laurdag 10.00 – 14.00

Tre i biblioteket

  

Biblioteket om kvelden

Om du lurar på kvifor ljoset står på på biblioteket seint og tidleg nå, er det fordi vi går i gang med meirope bibliotek. Mellom 07.00 og 22.00 blir det høve til å bruke biblioteket kvar dag, året rundt.

Vi set i gang med prøveperiode frå neste veke og treng prøvekaniner. Ta kontakt om du er interessert. Etter vinterferien opnar vi tilbodet for alle over 18 år. Du må inngå kontrakt med biblioteket for å få tilgang. Barn og unge under 18 år kan bruke biblioteket i meirope-tida i følgje med ein vaksen. Personalet er tilstades i den ordinære opningstida som før.

Biblioteket høyrer folket til, og storstua med vår felles bokhylle, blir nå meir tilgjengeleg for alle.

Mellom 1836 og 1915 utvandra over 750 000 nordmenn til Nord-Amerika. Alle har slektningar som reiste for å finne land og lykke på andre sida av Atlanteren.

Onsdag 25. januar kjem Terje Mikael Hasle Joranger, fag- og forsningsdirektør ved Norsk utvandrermuseum, og held føredrag om utvandringa til Amerika med vekt på utvandringa frå Lom og Nord-Gudbrandsdalen. Vi lagar også utstilling på biblioteket som er knytt til temaet.

Dette er fyrste temakveld i prosjektet «Forteljingar om flukt» der vi belyser ulike former for flukt. Prosjektet er støtta av Stiftelsen Fritt Ord. 

Våren 2023 på biblioteket

Programmet vårt for januar, februar og mars er klart. Vi går i gang med vårt nye prosjekt, Forteljingar om flukt. Tre aktuelle og drivande dyktige forfattarar gjestar oss. Vi inviterer til Litterær lønsj der vi byr på litterære smakebitar og delikate rettar frå det utsøkte kjøkkenet på Lom helseheim. 

Min skyld. En historie om frigjøring

Min skyld. En historie om frigjøring av Abid Q. Raja, Jente, 1983 av Linn Ullmann og Simon Strangers 304 dager var dei tre mest utlånte bøkene for vaksne i Lom i 2022. For barn og ungdom trona Harpa av Audhild A. Solberg på topp følgd av to teikneseriar, Malin Falchs Trollriket og Fimbulvinter av Odin Helgheim.

Opningstider i jula. Torsdag 22. desember 10.00-15.00, onsdag 28. des. 10.00-14.00, torsdag 29. des. 10.00-14.00.

Vi har vanlege opningstider t.o.m. 22. desember. I jula har vi ope 4. og 5. dag. Så opnar vi att måndag 2. januar på nyåret. God lesejul til alle bibliotekvenner. 

Marie Thrane

I morgon blir det føredrag om mat og økonomi for ungdommane på den vidaregåande skulen i Lom. Biblioteka i Lom og Skjåk har invitert føredragshaldar Marie Thrane, Ho er kjend frå tv og Instagram der ho har 41 000 følgjarar, Marie har også skrive boka Middag for 25 kroner, og vil halde føredrag for ungdommane om mat og bærekraft. Sparebank1 Lom og Skjåk deltek også med føredrag om økonomi og økonomistyring. 

 

Velkomen til litterær julelunsj på biblioteket.
Fredag 9. desember skjer det!
Sjølvaste Reidar Svare syng jula inn.
Det rimar så fint på fred i sinn.
Bibliotekarane les om jula på landet og i  byen,
og juletapas står på menyen.
Så håpar vi å sjå deg her.
Velkomne skal de vera, frå fjern og nær.

Inngang: 100 kr.
Påmelding på e-post til biblioteket@lom.kommune.no eller SMS til 47711809

Fransk aften på biblioteket torsdag 3. november, 19.30.

Torsdag 3. november 19.30 inviterer vi til fransk aften på biblioteket.

Den franske forfattaren Annie Ernaux er vinnar av Nobelprisen i litteratur 2022. Vi markerer dette med fransk aften. Vi har fått med oss Isabelle Budin Ljøsne, litteraturinteressert lomver med franske anar. Vi vil heidre prisvinnar Ernaux, by på smaksprøver frå fransk litteratur og frå det franske kjøkken. 

På grunn av serveringa må vi ha påmelding til biblioteket på e-post biblioteket@lom.kommune.no eller tlf 47711809 innan laurdag 29. okt. Inngang 150 kr. Vel møtt! 

Stein Versto om tarjei Vesaas på biblioteket 18.10. 2022. kl. 19.00

Tysdag 18. oktober kl. 19.00 held Stein Versto føredraget Dei store gåtene og den gode viljen på biblioteket. Det er i år 125 år sidan Tarjei Vesaas, den verdskjende forfattaren frå Vinje, vart fødd. Sambygdingen Versto fortel om forfattaren og diktinga hans og les utdrag frå nokre av tekstene.

Dette er eit arrangement i regi av Nynorsk kultursentrum i samarbeid med Lom folkebibliotek som er eitt av fem Nynorsk pilotbibliotek. 

 

Kontakt

Lom folkebibliotek
Mobil 477 11 809