Lom folkebibliotek

Opningstider 
Måndag  12.00 – 19.00
Onsdag  12.00 – 19.00
Torsdag  10.00 – 15.00
Fredag   10.00 – 15.00
Laurdag 10.00 – 14.00

Tre i biblioteket

Gjestene
Gjestene - Klikk for stort bilde       

Surdeig for alle
Surdeig for alle - Klikk for stort bilde      
 
 

       

  

Fredag 23. september skal det vera kriseøving i kommunen. Biblioteket har redusert bemanning og må halde stengt mellom 11.00 og 13.30. Vi har ope før og etter øvinga, frå 10.00-11.00 og frå 13.30-15.00. 

Verdensdagen for psykisk helse

Fredag 7. oktober arrangerer vi litterær lunsj i samarbeid med Psykisk helseteneste Lom og Skjåk. 10. oktober er Verdensdagen for psykisk helse. På grunn av haustferien legg vi markeringa til fredag 7. oktober.


Tema for Verdensdagen for psykisk helse 2022 er "Løft blikket". https://www.verdensdagen.no/tema-2022-vi-trenger...

Vi har med oss kommunepsykolog Morten Gjellesvik denne dagen. Det blir høgtlesing frå tekster som passar til temaet for Verdensdagen. Arrangementet passar for alle som har ei psykisk helse, altså for alle. Kjøkkenet på Lom helseheim leverer flotte og smakfulle smørbrød. Velkomne skal de vera.


Inngang: 100 kr

Myrull

Måndag: 12.00-19.00
Onsdag: 12.00-19.00
Torsdag: 10.00-15.00
Fredag: 10.00-15.00
Laurdag: 10.00-14.00

Velkomne til ein bugnande bokhaust på biblioteket!

Ti årsjubileum

Torsdag 16. juni ynskjer vi velkomne til opning av den nye bokkaféen på biblioteket. Frå 10.00 til 15.00 er alle velkomne innom på kake og kaffi. Dette er også ei markering av at tiårsjubiléet for Årets bibliotek 2012.

Klokka 15.00 blir det offisiell opning av bokkaféen ved ordføraren med kommunestyre og administrasjon til stades. 

Klokka 19.00 får vi forfattarbesøk av Vigdis Hjorth. Ho fortel om den nye boka si, Kristin må vekk. Om Kristin Lavransdatter som ung. Det blir enkel servering av mat og drikke. Påmelding til biblioteket. Inngang: 150 kr.

16. juni opnar bok-kaféen på biblioteket! Vi har vore så heldige å få med oss Vigdis Hjorth på opninga. Vigdis vil presentere den nye boka si, «Kristin må vekk - om Kristin Lavransdatter som ung». Ho har skrive bok om den unge Kristin Lavransdatter saman med dottera Line Norman Hjorth.

Vi har plass til 40 personar på arrangementet. Her blir det fyrst til mølla!

Enkel servering. Inngang: 150 kr

Ting billettar på biblioteket eller
e-post: biblioteket@lom.kommune.no
tlf: 47 71 18 09

Foto: Sara Angelica Spelling

Hjernekveld

Hjernehelse? Kva tenkjer du om det? Vi kan skifte ut nesten alle organ i kroppen vår, men vi har berre ei hjerne som vi skal leva med heile livet.

Isabelle Ljøsne som er busett i Lom, jobbar i FHI og skal leie hjernekvelden på biblioteket onsdag 8. juni kl. 19.00. Ho har med seg to av våre fremste hjerneforskarar, professor Christian A Drevon og Stine Kleppe Krogsrud. Dei deltek på Zoom. Forskarane skal presentere resultat frå ei større undersøking om hjernehelse der deltakarar frå fleire europeiske land har delteke.

Thomas Rannstad Haugen, prosjektleiar for framtidig bu- og tenestetilbod i Lom, skal også delta. Han har tidlegare vore prosjektleiar for nasjonale hjernehelsestrategi i Helsedirektoratet.

Det er hjerneforskarar frå øvste hylle som deltek på hjernekvelden. Det blir også gjennomført ei lita spørjeundersøking om hjernehelse blant dei frammøtte (heilt ufarleg) og det blir opna for spørsmål frå salen.

Vel møtt til ein spennande og lærerik hjernekveld på biblioteket.

Bjørn Hatterud

Tysdag 3. mai hadde vi besøk av forfattar Bjørn Hatterud. Han fortalde om oppvekst og ungdomstid i den vesle bygda Veldre i Ringsaker kommune.

Forteljinga hans er ei forteljing om utanforskap, mobbing og om å kjenne seg annleis. Bjørn er fødd med ei funksjonsnedsetting og var mykje inn og ut av sjukehus i oppveksten. Han er også homofil og klassereisande.

I bøkene Mjøsa rundt med mor og Mot normalt deler han tankar og opplevingar frå eit liv fylt med fleire og større utfordringar enn dei fleste av oss treffer på. Eit interessert publikum ville mest ikkje sleppe tak i han. Ein fin og tankevekkjande kveld på biblioteket. 

Hans Johan Sagrusten

Visste du at den moderne boka eigentleg har fått fasongen sin frå ei ku? At Julius Caesar spela ei rolle da den moderne boka vart oppfunnen? Og at boka frå fyrst av var rekna som eit nokså simpelt format? Dette og meir til kan du høyre om i foredraget "Boka gjennom to tusen år" med Hans J. Sagrusten på biblioteket onsdag 30. mars kl. 19.00. Gjer deg klar for ei underhaldande og interessant reise gjennom to tusen år med bokhistorie.

Leif Ekle, Olgas bok

 Mangeårig litteraturkritikar Leif Ekle debuterer i år med romanen «Olgas bok. Et stille liv i arbeiderklassen». Onsdag 16. mars gjestar han Lom og biblioteket med boka si.

Boka er eit portrett av mora hans, Olga Engen (1926 – 2017), ei kvinne som levde eit stille liv i beskjedne kår på bygda. Olgas bok ein biografi om eit heilt alminneleg menneske frå arbeidarklassen, ei kvinne som aldri stakk seg ut. Det er også skildring av eit samfunn som gjennomgjekk enorme endringar sosialt, politisk og teknologisk.

Olga fekk sin del av prøvingar og motgang i livet. Ho møtte det med ustoppeleg pågangsmot og livsglede og gjekk heilt og fullt opp i rolla som einsleg mor. "Olgas bok" er også ein vemodig kjærleikshistorie.

Boka har fått fine omtaler. Vi har glede av å ynskje dykk velkomne til bokkveld med Leif og Olga. Enkel servering. Inngang 100 kr.

Vel møtt!

Foto Leif Ekle: Javier Ernesto Auris Chaves - NRK

Kontakt

Lom folkebibliotek
Mobil 477 11 809