Onsdag 6. mars er biblioteket ope frå 10.00 til 15.00. Det blir stengt på kveldstid. Endringa gjeld berre denne onsdagen. 

Måndag 4. mars frå 17.00 til 19.00 får vi besøk av Karrieresenteret. Har du spørsmål om utdanning, jobb og moglegheiter innan utdanning og yrkesliv, så stikk innom for ein hyggeleg prat over ein kopp kaffi!

1. til 10. klassingar! Hugs N-Games-turnering på biblioteket fredag 15. februar kl. 17.00. Instruktørar frå Otta og Are stiller. Kom og bli med!

I 2017 fekk Lom folkebibliotek prosjektmiddel frå Fritt Ord til å formidle klassikarar i bibliotek. Vi ynskte å sette fokus på moderne klassikarar; nye, norske utgjevingar med potensial til å bli klassikarar. Vi valde å avgrense utvalet til utgjevingar frå 2013 til 2017. 

Vi fekk med oss fire av dei fremste litteraturkritikarane i landet, Bernhard Ellefssen, Janneken Øverland, Bjørn Ivar Fyksen og Merete Røsvik, til å kåre ei liste med 25 nye klassikarar. 

Lista er klar med korte omtaler til kvar bok. Nå er også marknadsføringsmateriellet klart, og i dag sende vi ut tilbod til dei andre biblioteka i landet om å bli med. Biblioteka i Sarpsborg og Trondheim er med oss på laget frå før, og så langt i dag har bortimot tjue andre bibliotek meldt si interesse. Det synest vi er strålande! 

Vi skal opprette ein nettstad til prosjektet der vi legg ut ein ny klassikar kvar veke i 25 veker frå 1. mars. Følg med for fleire oppdateringar om klassikar-prosjektet framover. Vi gler oss til å sette fokus på ny, norsk kvalitetslitteratur i Bokåret 2019!

Prosjektet har også motteke støtte frå Kulturrådet, G-Kultur og Sparebank1 Lom og Skjåk. 

Bli med oss og dugle! Det blir litterær lunsj på biblioteket fredag 18. januar kl. 12.00. Vi byr på fine, morosame og appetittvekkjande tekster, kaffi og kakuskive til 20 kr. Velkomne skal de vera!

1. til 10. klassingar! Hugs N-Games-turnering på biblioteket fredag 11. januar kl. 17.00. Instruktørar frå Otta og Are og Tonje stiller. Bli med du også!

Juleftan: Stengt
3. dag jul: 10.00 - 14.00
4. dag jul: 10.00 - 14.00


Biblioteket held ope som normalt til og med laurdag 22. desember.
Fyrste opningsdag på nyåret er onsdag 2. januar 12-00 - 19.00.

Med ynskje om ei god jul og godt nytt bokår frå biblioteknissane.

Laurdag 15. desember kl. 14.00 kan de møte vår eigen krimduo Kroken og Kolden på biblioteket. Dei har kokt i hop nye krimgåter frå Lom i boka Frosten og døden som kom ut i haust. På biblioteket blir det samtale om boka og skrivinga med enkel bevertning til. Det blir ikkje boksal her på huset, men dei som vil, kan kjøpe bok på butikken og ta med for signering. Velkomne skal de vera!

Bøker

Frå 1. november 2018 har vi innført nye summar for erstatning av tapt materiell:

Bøker og lydbøker for vaksne: 450 kr

Bøker og lydbøker for barn: 350 kr

Film og musikk: 250 kr 

N-Games

Blue Elite Esport er ein friviljug organisasjon lokalisert på Otta som jobbar for å gje barn og ungdom i Nord-Gudbrandsdalen eit fritidstilbod på gaming/speling. 

Biblioteka i Nord-Gudbrandsdalen har fått støtte frå Nasjonalbiblioteket og regionrådet til denne spelsatsinga i skuleåret 2018/2019, eit tilbod ope alle 1. - 10.- klassingar.

Neste kveld i Lom blir fredag 23.11. kl. 17. 

 

Kontakt

Lom folkebibliotek
Mobil 477 11 809

Bloggen vår: Tre vise kvinner

Rita Mundal
Leiar Lom folkebibliotek

Opningstider

Måndag

12.00 - 19.00

Tysdag

Stengt

Onsdag

12.00 - 19.00

Torsdag

10.00 - 15.00

Fredag

10.00 - 15.00

Laurdag

10.00 - 14.00