Retningsliner for torghandel i Lom kommune 

Søke om løyve: 

Det er ikkje behov for å søkje om lov til å nytta torgplass 1 og 2 (sjå kart) i Lom kommune. Det er førstemann til mølla-prinsippet som gjeld. 

Kvar kan du stå? 

Torgplass nr. 1 (sjå kart): Her er det lov med salsboder, bord, små telt og liknande og bilar under seks meter. 

Torgplass nr. 2 (sjå kart): Her er det lov med mindre bord / stand. Bil er ikkje lov , og du må plassere bordet/standen slik at du ikkje kjem i vegen for verken trafikken eller oppsette bord og benker. 

Retningsliner for bruk: 

• Torgplass 1 og 2 er gratis, men du må halde deg innanfor retningslinjene for torghandel i Lom kommune.
• Det er ikkje anledning til å koble seg på straumuttak.
• Det er ikkje tillate med biler over seks meter. Lom kommune har ingen torgplass som passer til dette formålet. Ta eventuelt kontakt med private grunneigarar i sentrum for å finne egna plassering.
• Torgplassane er tiltenkt bruk i korte periodar, maks 3 – 4 dagar.
• Torghandel skal følgje reglane som er fastslått i lov om heilagdagar og heilagdagsfred. Merk at Fossbergom har status som typisk turiststad i perioden 1. april til 15. oktober. Dersom påska er før 1. april, gjeld godkjenninga frå påske. Dette betyr m.a. at det er lov med sundagsope i denne perioden. 
   

På torgplassane til Lom kommune er det tillate med:

• Sal av mat, drikke og tradisjonelt handverk, helst med lokal tilknyting
• Ikkje- kommersielle aktørar til dømes politiske parti, elevbedrifter eller kulturinnslag. 
   

Ordensreglar: 

Plassen rundt boden skal haldast rein og ryddig. Brot på retningslinene vil føre til bortvising frå torgplassen, eventuelt nekta tilgang til torgplassen i ettertid for kortare eller lengre tid, nærare fastsett av kommunedirektøren. 

Skilting må være i tråd med reglementet for skilting i Lom kommune. 

Lom kommune kan vise bort aktørar som bryt med retningslinene.

Torgkart:

Torgkart