Muna var ni år da ho og systra på 12 starta den lange og usikre reisa mot ei betre framtid. I 2016 kom ho og familien til Noreg og Vågå og har budd der sidan. Det var fyrste gongen at Muna delte den sterke historien sin.  Til alt hell gjekk flukta bra for heile familien. Og best av alt; dei har blitt godt mottekne i Vågå og i bygdene våre. Muna som går på den vidaregåande skulen i Lom, har fått gode venner her, fleire av dei sat i salen i går og fekk vita meir om bakgrunnen til klassevenninna si. 

Takk til modige Muna som delte historien sin med oss, til Tor Olav Mundal som leia samtalen og til alle frammøtte. Takk òg til Stiftelsen Fritt Ord for støtte til prosjektet Forteljingar om flukt. Muna og vi på biblioteket var veldig glade for at så mange møtte opp.