Kvelden starta i Lom Stavkyrkje, med ein innhaldsrik omvising med kyrkjeverje Anne Kristin Stenersen i Lom Kyrkja. Olena Bulka som er språkpraktikant i Lom kommune, omsette til ukrainsk for flyktningane som kom. Det var stort engasjement og mange spørsmål i etterkant til kyrkjeverje Anne Kristin.
Etter omvisinga i kyrkja gjekk turen over til Fossheim hotell. Der fekk alle serverte nydeleg reinskav og panna cotta til dessert. Borna fekk pannekake. Ordførar Harald Sve Bjørndal frå Våga heldt velkomsttale til alle nye ottadølar medan ordførar i Skjåk Edel Kveen holdt “takk for maten” -tale. Varaordførar i Lom, Bjørn Ola Aukrust var også til stades.
Underhaldninga under middagen var ein morosam quiz, framføra av næringssjef i Lom Åshild M. Amundsen og språkpraktikant Olena Bulka. Her var det lokale spørsmål og musikkinnslag som gav god stemning. Borna som høyrde på dansa rundt borda!
Tusen takk til Lomskyrkja, Fossheim hotell og alle som kom på tilflyttingsfesten vår! Kommunane sette veldig stor pris på å bli kjend med mange nye ottadølar, og vi håpar at alle fekk ein triveleg kveld!
Takk også til Innlandet Fylkeskommune som gav midlar til "Bli Hjå oss" prosjektet som skal få tilflytta ottadølar til å bli verande.
Helsing frå arrangementkomiteen bak “bli hjå oss” som består av: Åshild, Live, Tea, Kristin, Olena og Linda.
Kva er “bli hjå oss" prosjektet?
“Bli hjå oss” er eit treårig prosjekt der Lom, Skjåk og Vågå har gått saman om tre satsingsområde:
- Skapte gode møteplassar i samarbeid med andre aktørar
- Gjere aktivitetstilbodet som finner her meir tilgjengeleg og synleg for alle, særleg for dei som ikkje er kjent
- Bidra til å bygge gode nettverk for nye innbyggjarar, for å senke terskelen for å kome i kontakt med nye folk og planlegge aktivitetar saman.
Prosjektet er støtta frå Innlandet fylkeskommune med kr. 450 000 totalt over tre år.
Tilflyttarfest
Tilflyttarfest
Tilflyttarfest
Tilflyttarfest
Tilflyttarfest
Tilflyttarfest