Dokumentet omfattar alle næringar med eigne kapittel for landbruk og skogbruk. I landbruket kan det gjevast tilskot for driftsbygningar, fellestiltak, nydyrking, kjøp av mjølkekvote, beiterydding, vassvegar/damanlegg/vatningsanlegg og nyetablering av husdyrhald. Det siste er eit nytt formål med eit nytt sett av krav. I skogbruket er det moglegheit for å søkje tilskot til avverking, drift i mellomvanskeleg terreng og skogbruksveg. I budsjettforslag er det avsett 650.000 kr for landbruks- og skogbrukstiltak i 2018.

Søknadsfrist er som tidlegare 15. mai, bortsett frå avverkingstilskot i skogbruk og tilskot til drift i mellomvanskeleg terreng som vert vurdert etterskotsvis pr. år etter innmålt kvantum i året.  

Ta gjerne kontakt med oss dersom du lurer på noko.