Slik kan du røyste ved stortingsvalet 2025

Stortingsvalet blir halde måndag 8. september 2025. Nokre stader vil det også vere mogleg å røyste søndag 7. september.

Her finn du informasjon om dei ulike måtane du kan røyste på – anten du ønskjer å førehandsrøyste, røyste heime eller bruke tidlegrøysting.

Tidlegrøysting – for deg som vil røyste ekstra tidleg

I perioden 1. juli til 8. august kan du vende deg til kommunen og avtale tid for tidlegrøysting. Du kan røyste i kva kommune som helst i Noreg.
Hugs å ta med gyldig legitimasjon med bilete.

Førehandsrøysting – for deg som ikkje kan røyste på valdagen

Førehandsrøystinga startar måndag 11. august og varer til fredag 6. september. Du kan førehandsrøyste i den kommunen du sjølv ønskjer.

Stadene for førehandsrøysting finn du på valg.no/valglokaler, der du også kan sjå om vallokala er universelt utforma.

Dersom du førehandsrøystar i ein annan kommune enn der du er oppført i manntalet, må du røyste så tidleg at stemma di kjem fram til rett kommune innan 9. september.

Hugs legitimasjon med bilete. Alle veljarar skal vise legitimasjon, med nokre få unntak.

Veljarar som bur i institusjon, kan førehandsrøyste der dersom det blir arrangert førehandsrøysting på staden.

Røyste heime – for deg som ikkje kjem deg til vallokalet

Dersom du på grunn av sjukdom eller uførleik ikkje kan møte opp i vallokalet eller førehandsrøystingslokalet, kan du søkje om å få røyste heime – eller der du oppheld deg.

Det er ikkje nødvendig å søkje viss du bur på ein institusjon der det blir halde førehandsrøysting.

I søknaden må du opplyse:

• fullt namn
• fødselsdato og -år
• adressa du oppheld deg på den siste veka før valet
• telefonnummer vi kan nå deg på

Ta kontakt med Lom kommune dersom du har spørsmål eller ønskjer hjelp til å søkje om å røyste heime.

Røyst på valdagen

Du har røysterett dersom du står i manntalet. For å stå i manntalet må du:

fylle 18 år innan utgangen av 2025

vere norsk statsborgar

vere, eller ha vore, folkeregistrert som busett i Noreg

Tid og stad for røysting i Lom kommune:

Måndag 8. september, kl. 09:00–17:00
Røystestader og valkrinsar:

Lom: Kommunestyresalen, Midtgard

Bøverdalen: Bøverdalen samfunnshus, Boomerstugu

Garmo: Garmo skule

Du finn òg oversikt over vallokale og universell utforming på valg.no/valglokaler.

Hugs å ta med legitimasjon med bilete når du møter fram for å røyste.

---------------------------------------------------------------

Informasjon om røystestyre

Det skal etter ny vallov ikkje lenger veljast røystestyre for kvart vallokale, men det skal vera ein leiar og ein nestleiar i kvart vallokale. 

I Vallova § 6-2: Hvem som har ansvaret for stemmingen i et valglokale heiter det m.a.

I hvert valglokale skal det være en leder og en nestleder med ansvar for stemmingen. 

01 Lom – Kommunestyresalen, Midtgard:

Leiar: Kristin Volden Mundhjeld
‎Nestleiar: Steinar Garmo
‎Valverter: Ellen Sanden, Johanne Hellebergshaugen, Lucie Kucharova, Nils Teigen

02 Bøverdalen – Bøverdalen samfunnshus, Boomerstugu:

Leiar: Bjørnar Brustuen
‎Nestleiar: Arnstein Rusten
‎Valverter: Eva Birgitta Stee, Oluf Kvålshagen

03 Garmo – Garmo skule:

Leiar: Erik Frisvold
‎Nestleiar: Oddrun Pauline Løkken Mo
‎Valverter: Terje Odde, Ingebjørg Runningen Brenden

----------------------------------------------------------------------------

Trykk her for tidlegare stortingsval.