Innhald

• Kommunal eigedom
• VAR - vatn, avlaup og renovasjon
• Oss i Lom - sjå filmsnutt frå Lom reinseanlegg

Kommunal eigedom

2022 har vore eit år med høg aktivitet for kommunal eigedom.

Særleg viktig har deltakinga på eit innovasjonsprogram i regi av regionkontoret vore. I programmet har vi staka ut ein kurs på korleis eigedomsforvaltinga bør utviklast i åra framover. Ein kurs kor vi går frå "brannslukkingsarbeid" til  å ha full kontroll, og i større grad kan bidra i å nå måla i ny samfunnsplan; at Lom kommune skal vere ein berekraftig og attraktiv stad å bu heile livet. 

Andre eksemplar på kva som har skjedd utover ordinær drift av bygg og uteområda:

• All belysning på Loar barnehage er bytt til LED-lys 
• På biblioteket vart det lagt nytt golv og måla veggar 
• Stort bidrag i oppgåva med busetting av flyktningar 
• Ein utleigebustad vart renovert
• Saman med vatn- og avlaupsavdelinga har vi fått bygd ein ny lagerhall
• Overteke nytt eldhus i Presthaugen 
• Etablert fiberbreiband i kommunale utleigebustadar 
• Etablering av nye lokalar for kommunal eigedom 
• Montert snøfangarar på losjihuset på gamle Loar
• I samarbeid med skulane har vi fornya skulekjøkenet på Lom ungdomsskule 
• Forprosjekt Lom helseheim mot 2050 er godt i gang 
• Brannteknisk tilstandsvurdering på Drengjestugu 
• Fått etablert ei samla oversikt over tilstand på dei fleste kommunale føremålsbygg 

Vi har teke i bruk teknologiske løysingar med mål om å forenkle drifta. Samtidig betrar vi brukaropplevinga på bygg og i uteområdane rundt om i Fossbergom:

• Suksessfull pilotering av eit automatisk vatningsanlegg på grasflekken utanfor Gamle loar 
• Lånt ein smart søppeldunk for utprøving. Søppeldunken komprimerer søppelet og gjer plass til 3-4 gongar så mykje som ein ordinær dunk. Den drivast av eit solcellepanel og varslar på ein app når den må tømast. 
• Bruk av drone for å følgje med på tilstand på tak, takrenner og andre område som ikkje er så lett tilgjengeleg 
• Robotstøvsugar i biblioteklokale

VAR - vatn, avlaup og renovasjon

• Vassvaglen vart renovert
• Fundamentering og reisverk til ny lagerhall vart ferdig
• Miljøstasjon fekk nytt lagerbygg
• Det vart sett opp gateljos gjennom Frisvoldskogen – frå byggefeltet til barnehagen
• Det vart kjøpt inn ein ny bil
• Det vart lagt ny asfalt på delar av strekninga på den kommunale delen av Galdhøpiggvegen. Arbeidet held fram i 2023.

Oss i Lom