Næringstomter i Lom

Her finn du oversikt over ledige næringsareal i Lom kommune.

Ta gjerne kontakt med næringssjefen dersom du ynskjer meir informasjon.

Ledig næringsareal i Lom kommune:

Foto: Lågkollen næringsområde Åshild Myhre Amundsen

Kort oppsummert ser det slik ut:

1 tomt på 2540 m2 i regulert område, Skjæsarøye industriområde. Grunneigar: Lom kommune
1 tomt på 3049 m2 i uregulert område, Gjeisarøye industriområde. Grunneigar: Ola Steinbakke
Eit stort tomteareal på ca. 200 daa, uregulert område, Lågkollen næringsområde mellom Fossbergom og Garmo. Grunneigar: fleire private grunneigarar, mellom anna Hans Graffer.
2 tomter på 2,9 daa i sentrum (Fossbergom). Regulert område, brukt til el-bil parkering pr. no. Grunneigar: Lom kommune.

Under finn du meir detaljert informasjon om dei ulike områda:

Skjæsarøye (regulert):

Gards- og bruksnummer: Ikkje oppmålt, men inngår som ein del av tomta 37/3/0
Areal: Ca. 2540 m2
Heimelshavar: Lom kommune

Beskrivelse

Ei tomt på ca. 2540 m2 er ledig i Skjæsarøye (sjå bilde). Tomta er tilkobla veg, vatn og avlaup, men oppbygging opp til flaumsikkert nivå kan vere naudsynt.

Fram til 2024 har tildeling av tomter i Skjæsarøye vore handtert slik:
På denne tomta er Lom kommune heimelshavar, og det er derfor prat om ei ordinær festekontrakt. . Tildeling av tomt skjer via søknad til Lom kommune, som må gjennom politisk behandling. Dersom tomta blir tildelt blir det inngått festekontrakt med Lom kommune, og det må betalast ein eingongskostnad (refusjon) og ei årleg festeavgift. Det vil bli naudsynt med oppmåling for å inngå ei festekontrakt. Oppmålinga må festar betale. På næringstomter i industriområdet (som kommunen tildeler) er det ei generell byggeplikt innan tre år. Eventuell dispensasjon må skje ved tildeling av tomta. Festeavgift: Festeavgift kr. 2,5 pr. kvm (m2) – dvs kr. 2500 pr. dekar. Denne prisen blir ikkje indeksregulert. Refusjonsavgift (eingongskostnad) kr. 67,50 pr. kvm – dvs. kr. 67 500 pr. dekar

Men frå 2023 vart følgjande vedtatt:
Lom kommune vedtek å sette i gong ein prosess der målet er å selje ut næringsareala i industriområdet Gjeisarøye og Skjæsarøye, avgrensa til dei områda der Lom kommune er heimelshavar og der arealet er bortfesta. Arealet som er bandlagt til riksvegtrase og som er disponert til m.a. kommunel veg vil ikkje bli solgt. Festarar som ikkje har anledning eller ynskje om å kjøpe tomt vil få halde fram med ei festeavtale.
Gjenståande restmidlar frå sak 2022/74 blir brukt til å dekke omkostningar som vil følgje av denne prosessen, inklusiv utgifter knytt til oppmåling og juridisk bistand.
Kommunedirektøren får fullmakt til å gjennomføre forhandlingar og sal, samt naudsynte budsjettjusteringar.

Status pr. juni 2024:
Pris er førebels ikkje fastsett, ta kontakt dersom du har spørsmål.

Plassering og kart

Kontaktinformasjon

Uregulert areal (Gjeisarøye):

Ei uregulert tomt på rundt 3000 m2 er ledig i Gjeisarøye.

Beskrivelse

Eventuelt leige, feste eller salg av tomta må avtalast direkte med grunneigar, ta kontakt med kommunen dersom du treng kontaktinformasjon. Arealet er avsett til næring i kommunedelplanen for Fossbergom, men det er krav om reguleringsplan før det byggast ut/ takast i bruk. Deler av arealet ligg under flaumsikkert nivå og må fyllast opp før det kan førast opp bygningar. På denne tomta er det ikkje byggeplikt, og det er opp til heimelhavar (privat) å fastsette prisen.

Plassering og kart

Kontaktinformasjon

Lågkollen næringsområde - Garmo

Det er sett av eit område BN01 på Lågkollen med arealbruksformål byggeområde næringsformål - eksisterande i planen. Området er på rundt 200 daa, og er ikkje regulert pr. dags dato. I 2023/2024 starta kommunen opp med forundersøkelser når det kjem til VA, vegtilgang etc.

Beskrivelse

Området ligg inne i gjeldande arealplan frå 2022. Sjå arealplanen her:

Utbygging av området er ikkje starta opp, med unntak av at det ligg ein eldre pelsdyrfarm innafor området.
Det er sett av nytt byggeområde næringsformål – framtidig BN03_f for utviding av område BN01.
For alle byggeområde næringsformål gjeld denne føresegna (PBL § 11-9 nr. 1):

a) I område BN01 og BN03_f kan det etablerast industri-, handverks- og lagerverksemd. Områda kan ikkje nyttast til detaljhandel, med unntak av plass- og transportkrevjande varehandel.

b) For område BN01, og BN03_f er det krav om utarbeiding av reguleringsplan før utbygging.

Sjå kartgrunnlag her:

Plassering og kart

Bilder

Kontaktinformasjon

Næringsareal i sentrum (Fossbergom)

Det ligg to næringstomter i sentrum som ikkje er bebygd, gards- og bruksnummer 39/3/1 og 39/3. Totalt areal er på 2,7 daa.

Beskrivelse

Desse blir brukt som ladestasjon for el-bil / parkeringsareal pr. dags dato, og har vorte tilrettelagt for det. Her er det inngått ei leigeavtale på 10 år i fyrste omgang, fram til 2032. Det er mogleg å oppheve avtala, men på visse vilkår.
Anna bruk vil derfor vere eit kostnadsspørsmål og eit politisk spørsmål.
Tomtene er regulert til «Forretning og kontor» i reguleringsplan for Ulstad – Øy (1985).
Utnyttingsgrad 0,6 (60% BYA). Rafthøgde inntil 7 m for to-etasjes bygg, tre-etasjes bygg kan likevel godkjennast.

Det er naturleg å sjå dei i samanheng, men det er også mogleg å vurdere dei kvar for seg.

Plassering og kart

Kontaktinformasjon

Søknad om tildeling av næringstomt

Gjennom fleire tiår har kommunen satsa på å utvikle eit sentrum med særpreg. Det er difor enkle, men tydelege krav til takvinkel og farge på alle bygg. Det er samfunnsutvalet som gjer vedtak om tildeling av tomt, mens det er næringssjefen som er fyrste kontaktpunkt dersom du er interessert i næringstomt i Lom kommune, og som gjer saksbehandlinga for tildeling, skriv festekontrakt etc.

Ta gjerne kontakt dersom du ynskjer ein prat (kontaktinformasjon)

Ynskjer du å søkje? Da kan du sende ein kortfatta søknad som bør innehalde:

Angi kva slags tomt som er aktuell, med eit kartutsnitt der arealet er markert. Kommunen kan hjelpe deg med å lage eit slikt utsnitt dersom du har behov for det.
Grunnflate på planlagt bygg
Skildre kva arealet skal brukast til og ein grov framdriftsplan

Kommunen tek atterhald om at det kan føreligge feil eller utdatert informasjon i teksten. Søknaden kan du sende til post@lom.kommune.no, gjerne med kopi til næringssjefen.

Publisert av Åshild Myhre Amundsen

Sist endret 09.07.2024 13.07