Status for arbeidet med kommuneplanens arealdel Kommuneplanens arealdel er styringsdokumentet for arealbruken i kommunen, og for seinare detaljplanlegging (reguleringsplanar). Gjeldande arealdel for Lom kommune er frå 2003. Ny samfunnsdel til kommuneplanen vart vedteken i oktober 2016. I forkant av behandling av samfunnsdelen var det kunngjort innspelsrunde også for arealdelen. Arbeidet med revisjon av kommuneplanens arealdel har trekt meir ut i tid enn det som er ønskjeleg, men er no godt i gang att. Vi kan fortsatt ta i mot innspel til kommuneplanens arealdel fram til 12. april (påske). Innspel kan sendast kommunens postmottak. Etter påske vil det bli arbeidd vidare med konsekvensutgreiingar, plankart og planføresegner, og målet er å ha eit framlegg klart for første politiske behandling og offentleg høyring hausten 2019. Presentasjon for kommunestyret 19. februar: Kommuneplanens arealdel – arbeid med rullering av planen finn du her. (PDF, 5 MB) Presentasjon av ei konsekvensutgreiing gjennomført som ein del av planarbeidet finn du her – hyttefelt ved Nordsætrin/ Tesse (PDF, 2 MB) . Ta kontakt med kommunen om du vil ha tilsendt heile konsekvensutgreiinga. Publisert 22.03.2019 21.17