Høyring av forslag til detaljregulering for utbetring av rv. 15 Graffer-Lom

Statens vegvesen har i samarbeid med Lom kommune utarbeidd forslag til reguleringsplan for utbetring av riksveg 15 på strekninga frå Graffer til Fossbergom. Statens vegvesen er tiltakshavar og Lom kommune er planmyndigheit.
 

Formålet med planarbeidet er utbetring av rv. 15 langs ei strekning på om lag 7 km, frå Graffer i aust og inn mot sentrum i vest. I hovudsak omfattar utbetringa breiddeutviding av vegen, utretting av svingar, forsterking av vegoverbygginga og auking av overvasskapasiteten.

Høyringsbrev, planomtale, forslag til plankart og planføresegner, ligg som vedlegg til denne artikkelen, og kan hentast opp ved å klikke på dei.

Alle plandokument og rapportar som er utarbeidd i samband med planarbeidet, er tilgjengelege på Statens vegvesen si nettside.

Planforslaget vil liggja ute til høyring og offentleg ettersyn i perioden 29. september – 9. november 2025.

Eventuelle uttalar og merknader skal sendast til Statens vegvesen innan 10. november.
Det er tre alternativ for å sende høyringsuttaler og merknadar:

  • via skjema i medverknadsportalen: Rv. 15 Graffer-Lom Publikum (via nettside over)
  • på e-post til firmapost@vegvesen.no
  • per brev til Statens vegvesen, Postboks 1010 Nordre Ål, 2605 Lillehammer

Brev/e-post merkast med: «Merknader til detaljregulering rv. 15 Graffer-Lom, sak 25/242288».

Open kontordag

Det er planlagt open kontordag onsdag 22. oktober 2025, mellom kl. 14:30 – 18:30. 

Stad: Midtgard, kommunestyresalen.

Den som vil kan då kome innom på det tidspunkt ein sjølv ynskjer, og prate med folk i Statens Vegvesen som arbeidar med planen og utbyggingsprosjektet.

Har ein spørsmål til planforslaget kan ein ta kontakt med:

Vidare prosess

Når fristen for uttalar/merknader er gått ut, vil desse bli gjennomgått og vurderte av tiltakshavar Statens Vegvesen, og eventuelle endringar vil bli gjennomførte i planmaterialet.

Om det ikkje blir føreslege vesentlege endringar som medfører at planen må leggast ut på ny offentleg høyring, vil planforslaget bli oversendt Lom kommune for sluttbehandling. I kommunen vil planforslaget få behandling politisk etter innstilling frå administrasjonen. Kommunestyret fattar endeleg vedtak i saka.

Dokument

 

Kart Rv. 15 Graffer-Lom sentrum - Klikk for stort bilde
Publisert 02.10.2025 10.50