Ekstraordinært driftstilskot til landbruksnæringa
På grunn av den ekstraordinære prisstiginga på gjødsel det siste året, har Lom kommune sett av midlar slik at landbruksnæringa i kommunen kan søkje tilskot til innkjøp av gjødsel for vekstsesongen 2022. Søknadsfrist: 20. mai 2022.
Retningsliner for tildeling av tilskot
- Alle føretak som har fått utbetalt produksjonstilskot i februar 2022 kan søkje om kommunalt tilskot.
- Grunnlag for tildeling av kommunalt tilskot vil vere omsøkt areal fulldyrka og overflatedyrka jord som vart lagt til grunn ved søknad om produksjonstilskot. Gjødselsplan skal også leggjast til grunn.
- Kostnader til kjøp av kunstgjødsel for perioden 01.12.2021 - 20.05.2022 skal dokumenterast med kopi av faktura eller ordre.
- Tilskotet vert gjeve som eingongstøtte. Det kan tildelast støtte på inntil 25.000 kr. pr. føretak. (PS: sum vart endra frå 50.000 til 25.000 den 3. mai. Vi hadde beklagelegvis skreve feil til å byrje med.)
- Søknadsfrist er 20.05.2022.
- Alle søknadane blir vurdert samla etter utløp av søknadsfristen.
- Jamfør kommunestyrevedtak blir søknadane behandla administrativt i tråd med retningslinene.
Søknad
- Søknad og dokumentasjon skal sendast inn per e-post til post@lom.kommune.no
- Merk e-posten med Søknad om driftstilskot til landbruk.
Har du spørsmål, ta kontakt med Lom og Skjåk landbrukskontor:
Kristin Smågård
kristin.smagard@skjaak.kommune.no / 932 29 458
Erling Dagsgard
erling.dagsgard@skjaak.kommune.no / 909 99 496
Publisert 27.04.2022 14.41