Lom folkebibliotek

Opningstider 

Måndag  12.00 – 19.00
Onsdag  12.00 – 19.00
Torsdag  10.00 – 15.00
Fredag   10.00 – 15.00
Laurdag 10.00 – 14.00

Tre i biblioteket

  

Biblioteket opnar att 19. mai.
Vi startar med sommaropningstider og har ope tre dagar i veka. 
 

Frå og med i dag opnar vi opp att for innlevering av bøker og andre medium i bokkassa på biblioteket. Mange bøker er utlånte, så vi ynskjer at flest mogleg leverer mellom 10.00 og 14.00 måndag til fredag. Da får vi tømt kassa etter kvart. De kan også levere på kveldstid, men viss kassa er full, må de vente.

Det går an å bestille bøker i websøket
på telefon 47 71 18 09 
på messenger på facebook
på e-post til biblioteket@lom.kommune.no 

Vi minner også om at de kan laset ned appen BookBites og låne e-bøker og e-lydbøker der.

 

Ynskjer du papirbøker til påske? Vi opnar opp att for utlån denne veka slik at de kan bestille bøker til påskeferien.

1) Sjekk kva vi har i bibliotekkatalogen
2) Bestill bøker via lenka over eller send e-post, melding på facebook eller ring 
3) Vi samlar saman bøker og låner ut 
4) Bokpakker kan hentast utanfor biblioteket torsdag 2. april og fredag 3. april frå 10.00 til 14.00

Biblioteket er fortsatt stengt og vi låner ikkje ut bøker utan avtale.

Det går ikkje an å bestille fjernlån.

OBS: Vi tek ikkje imot bøker og sender ikkje ut purremeldingar før biblioteket opnar att. 

God påske til alle frå oss.

Fristen for levering av Vinterles-skjema var opprinneleg sett til 1. april. Vi utvidar nå fristen til 15. april, altså onsdag etter påske. 


Her er skjema for dei som treng det.

Vi oppmodar alle til å levere skjema digitalt. De kan ta bilde og sende på messenger på facebook til Lom folkebibliotek, på sms til 47 71 18 09 eller på e-post til biblioteket@lom.kommune.no  
Dei som ikkje har fått krus enda, kan hente seinare. Lykke til! 

 

 Regjeringa og Nasjonalbiblioteket set inn ekstraordinære tiltak for å gje publikum eit best mogleg digitalt tilbod mens biblioteka er koronastengde. Biblioteka vil få støtte til innkjøp av fleire e-bøker og til formidling og arrangement på digitale plattformer. E-bøkene våre er tilgjengelege i appen Bookbites. Last ned appen, registrer deg med lånenummer og pinkode, så er det klart til å låne. Du kan kontakte biblioteket på telefon eller e-post for å få tak i lånenr/pin. 

Fram til sommaren vil alle skular, elevar og studentar få tilgang til heile den digitale samlinga til Nasjonalbiblioteket av pliktavlevert materiale, og den digitale tilgangen for forsking og dokumentasjon blir dobla.

Meir om den digitale krisepakka og tilgangen her.

Nasjonalbiblioteket har dessverre nedetid i skrivande stund, men nettsida vil snart vera oppe og gå att.

Vi oppmodar elles alle til å følge oss på facebook. Det er der vi legg ut mest informasjon, fine lenker og oppdateringar mens biblioteket er stengt.

Fredag 21. februar 11.30 inviterer vi til litterær lunsj med høgtlesing og fastelavnsbollar. Bibliotekarane har leitt fram lugume tekster vi vil dele med dykk og bollar er i bestilling. Legg dugurden til biblioteket denne dagen! Ein blir aldri for gammal for fastelavnsbollar eller for høgtlesing. Velkomne skal de vera! 

Gratis inngang. Mat og kaffi 50 kr. 

 Bookbites, den nye app-en for utlån av e-bøker og e-lydbøker, er nå klar til å brukast. Mellom  11 000 og 12 000 bøker og nær 400 lydbøker er tilgjengelege for utlån og reserveringar. På startsida vår ligg lister med tilrådingar. Freistar det til dømes å lesa ein biografi som kom ut i 2019? Eller ein av favorittane til bibliotekarane?  Du kan søkje på tittel, forfattar og få oversyn over nye tilgjengelege bøker.

Gjer som Anders i filmsnutten under! Last ned appen og registrer deg med lånenummer og pinkode, og ta en kikk! Treng du hjelp med pålogging, kontakt biblioteket! Lykke til!

https://www.youtube.com/watch?v=OIZr3ojTrJY

(Bookbites-appen finn du i google play / app store)

Årets fyrste arrangement blir Litterær lunsj med Barbro Storlien. Fredag 24. jan. 11.30 kjem ho til biblioteket for å prate om boka si "Barbro broderer. Tanker, tips og teknikker", som kom ut i fjor. Barbro er opprinneleg vågåjente. Ho er kjend som @frustorlien i sosiale medium, frå bloggen Fru Storlien, og er ikkje berre bunadtilverkar, buntmakar og leiar av Norges Husflidslag. Ho er også ein svært populær kurshaldar, og ei av dei siste i Noreg som broderer profesjonelt.

Vi kjem til å fortsette med Litterær lunsj om lag ein gong i månaden utover året. Når vi ikkje har inviterte gjestar, blir det høgtlesing med bibliotekarane. Vi bestiller god mat frå kjøkkenet på Lom helseheim. Ta matpausa di på biblioteket desse fredagane du òg!

 Nå er Meg & Mitt i orden, og lånarane kan gå inn og forlenge lånetid og få oversikt over låna sine att. Vi orsakar at funksjonen har vore ute av drift. 

Vår nye kolleksjon av BIBLIOTEKBOKSAREN er ute! Bibliotekboksaren vart laga i kjølvatnet av Lom folkebibliotek vart kåra til Årets bibliotek i 2012. Den nye utgåva har rett og slett fått namnet BIBLIOTEKBOKSAREN, sidan det oss kjent er verdas einaste bibliotektruse. Den nye boksaren er meir nøytral. Teksten på strikken er nå BIBLIOTEKBOKSAREN, og biletet av Tre vise kvinner er bytt ut med ein nøytral logo med Lom folkebibliotek. Ein ypparleg idé til julegåver og ikkje minst til kalendergåver, adventslilla og flott som han er! Løp og kjøp på biblioteket til 140 kr eller i nettbutikken til 200 inkl. porto

Kontakt

Lom folkebibliotek
Mobil 477 11 809